- Экономический вестник Узбекистана - https://evu.uz -

(O´zbek) Buhoroda o‘tkazilgan «Investorlar kuni» 18 ta loyiha qo‘rib chiqildi

Posted By vestnik1919_is0g0ljt On 02.05.2019 @ 16:48 In Новости | No Comments

Извините, этот техт доступен только в “Узбекский [1]”. For the sake of viewer convenience, the content is shown below in the alternative language. You may click the link to switch the active language.

     Бухоро вилоят ҳокимлигида ҳафтанинг чоршанба куни маҳаллий ва хорижий тадбиркорларнинг лойиҳа таклифларини кўриб чиқиш анъанага айланди. Навбатдаги тадбирда ҳам кўплаб истиқболли лойиҳалар кўриб чиқилди. Тақдимотда шаҳар ва туманларда амалга оширилиши режалаштирилаётган 18 та лойиҳа намойиш этилди. Бу ҳақда вилоят ҳокимлигининг матбуот хизмати хабар берди [2].
     Лойиҳаларда асосан хизмат кўрсатиш объектларини барпо этиш, қишлоқ хўжалигига янгича инновация ва технологияларни кенг жалб қилиш орқали ерлардан унумли фойдаланиш, чорвачилик ва паррандачилик кластерлари яратиш ташаббуси илгари сурилган.
     Улардан бири Бухоро шаҳрида қурилиши режалаштирилаётган «Султан Техно Гроупс» МЧЖга қарашли шиша маҳсулотини қайта ишлаш корхонасидир. Умумий қиймати 9 млрд 240 млн сўм бўлган мазкур лойиҳанинг асосий қисми ташаббускорнинг ўз маблағлари, шунингдек, «Ҳамкорбанк» томонидан ажратилиши кўзда тутилган 504 млн сўмлик имтиёзли кредит маблағи ҳисобидан амалга оширилади. Лойиҳа тўла қувват билан ишлайдиган бўлса, 40 та янги иш ўринлари яратилади.
     Умуман олганда, тадбирда умумий қиймати 125 млрд 304 млн бўлган, шундан 7 млн 406 минг АҚШ долларидан ортиқ тўғридан-тўғри хорижий инвестиция ва кредитлар иштирокидаги лойиҳалар тақдимоти ўтказилди.

     Вилоят раҳбари лойиҳалар билан танишар экан, ҳудудларнинг иқтисодий салоҳиятидан келиб чиқиб, ташаббускор тадбиркорларни ҳар томонлама қўллаб-қувватлаш масалаларига алоҳида тўхталди. Биринчи навбатда саноатни ривожлантириш, қишлоқ хўжалик маҳсулотлари етиштиришни янада кўпайтириш ва уни қайта ишлашни кенгайтириш, аҳолини ушбу маҳсулотлар билан узлуксиз таъминлаш, экспортини оширишда, натижада аҳолининг турмуш даражасини юксалтиришда муҳим аҳамият касб этишини таъкидлади. Лойиҳалар амалга оширилиши натижасида 451 та янги иш ўринлари яратилиши кўзда тутилган.

Источник: «газета.уз» [3]


Article printed from Экономический вестник Узбекистана: https://evu.uz

URL to article: https://evu.uz/novosti/o-zbek-buhoroda-o-tkazilgan-investorlar-kuni-18-ta-loyiha-qo-rib-chiqildi.html

URLs in this post:

[1] Узбекский: https://evu.uz/uz/novosti/o-zbek-buhoroda-o-tkazilgan-investorlar-kuni-18-ta-loyiha-qo-rib-chiqildi.html/print

[2] хабар берди: http://buxoro.uz/post/1-47856

[3] Источник: «газета.уз»: https://www.gazeta.uz/uz/2019/05/01/buxoro-invest/

Copyright © 2015 EVU. All rights reserved.