Delegatlar saylandi

Ўзбекистон Халқ демократик партиясининг Қорақалпоғистон Республикаси кенгаши пленумида партиянинг шу йил 29 март куни бўлиб ўтадиган Ўзбекистон Республикаси Президенти сайловида муносиб иштирок этишига доир масалалар муҳокама қилинди.

     Пленумда мамлакатимизда сиёсий партиялар учун яратиб берилаётган тенг ҳуқуқ ва имкониятлардан тўла фойдаланган ҳолда, партия электорати манфаатлари ҳамда дастурий мақсад ва ғояларидан келиб чиқиб сайловда муносиб қатнашишни таъминлаш чора-тадбирларига алоҳида эътибор қаратилди.

     Президентимиз раҳнамолигида амалга оширилаётган кенг кўламли ислоҳотлар самарасида эришилаётган улкан ютуқ ва марраларда ЎзХДПнинг ҳам муносиб ҳиссаси борлиги таъкидланди. Бугунги кунда партия ташкилоти ижтимоий-сиёсий ислоҳотларни янада чуқурлаштиришда фаол қатнашиб, ўз электорати фаоллигини таъминламоқда.

     – Партиямизнинг сайловолди дастурида белгиланган вазифаларни бекаму кўст бажаришда электоратимиз, партиянинг ёшлар қаноти фаол қатнашмоқда, – дейди ЎзХДП Қорақалпоғистон Республикаси кенгаши раиси Қ.Қурбонбоев. – Пленумда партия тузилмаларини сайлов жараёнига жалб қилиш, уларда фаоллик ва ташаббускорликни янада кучайтириш зарурлиги қайд этилди.

     Анжуманда муҳокама этилган барча масалалар юзасидан тегишли қарорлар қабул қилиниб, бошланғич партия ташкилотлари ва фаоллари олдида турган вазифалар белгилаб олинди.

     Пленумда партиянинг навбатдаги қурултойига делегатлар сайланди.

 

А.ОРТИҚБОЕВ,

ЎзА мухбири

DO'STLARINGIZGA TAVSIYA ETING

  • Buyurtma qilish

    Buyurtma qilish
  • АФИША

  • Реклама

  • JURNAL SONLARI ARXIVI

  • Bog’lanish

    O’zbekiston, 100000, Toshkent sh., Matbuotchilar ko’ch., 32

  • Obuna bo’lish

    Obuna bo'lish uchun o'z e-mailingizni kiriting
  • Любое воспроизведение или использование выдержек из публикаций может быть произведено только с письменного согласия редакции; при перепечатке материалов обязательна ссылка на источник.