Извините, этот техт доступен только в “Узбекский [1]”. For the sake of viewer convenience, the content is shown below in the alternative language. You may click the link to switch the active language.
Фарғона вилояти Ёзёвон туманида балиқчиликни ривожлантириш, мавжуд имкониятлардан фойдаланиб соҳага интенсив технологияларни жорий этишга доир кўргазмали семинар ташкил этилди. Унда Андижон, Наманган ва Фарғона вилоятларидаги туманлар ҳокимлари, қишлоқ ва сув хўжалиги соҳасига дахлдор корхона-ташкилотлар, балиқчиликка ихтисослашган фермер хўжаликлари раҳбарлари иштирок этди.
Семинарда балиқчилик билан шуғулланаётган тадбиркорларга яратилаётган имконият ва қулайликлар, солиқ тўлови бўйича белгиланган имтиёзлар, интенсив технологияларни жорий этиш усуллари ҳақида атрофлича маълумот берилди. Вилоятда балиқчилик тармоғида интенсив технологиялар кенг қўлланилмоқда. Масалан, «Садок», сунъий сув ҳавзаларида чуқурлиги 3-3,5 метр, ўртача 6х8 квадрат метр ўлчамдаги,тўр билан ўралган мосламалар, айниқса, самарали. Сабаби, унда балиқни тўлиқ назорат қилиш, озиқлантириш, овлаш, тор жойда кўп миқдорда балиқ парваришлаш имконияти мавжуд.
Тадбир сўнгида Марказий Фарғона сув омборида «Садок» усулида балиқ етиштириш борасида амалга оширилаётган ишлар тажриба тариқасида ўрганилди.
Манба «ЎзА»