Извините, этот техт доступен только в “Узбекский [1]”. For the sake of viewer convenience, the content is shown below in the alternative language. You may click the link to switch the active language.
Иқтисодиёт вазирлигида «Қишлоқ хўжалиги маҳсулотларини қайта ишлаш бўйича олиб борилаётган ислоҳотлар ва истиқболдаги вазифалар» мавзусидаги матбуот брифингида Ўзбекистонда озиқ-овқат маҳсулотларини ишлаб чиқариш суръати йилига ўртача 9-10 фоизга ўсаётганлиги таъкидланди.
Хабарга кўра, брифингда мустақиллик йилларида озиқ-овқат соҳасини ривожлантириш борасида кенг кўламли ислоҳотлар амалга оширилгани, мазкур соҳага инвестиция жалб этган ҳолда, замонавий технологияларни мева-сабзавот, гўшт ва сут маҳсулотларини қайта ишлаш ва ишлаб чиқаришга жорий қилинаётгани, ишлаб чиқариш технологик базасининг янгиланиши эвазига ички бозорни сифатли маҳаллий озиқ-овқат маҳсулотлари билан таъминлаш имконияти яратилиб, саноатда мазкур тармоқ улушининг тобора ошишига замин яратгани алоҳида қайд этилган. Дарҳақиқат, ўлкамизда озиқ-овқат маҳсулотларини ишлаб чиқариш,маҳсулот экспорти ҳажми йилдан-йилга ортмоқда. Бу борада давлатимиз томонидан муҳим фармон ва қарорлар, давлат дастурлари қабул қилиниб, уларнинг ижроси изчил таъминланмоқда.
Кейинги 5 йилда мамлакатда озиқ-овқат соҳасини жадал ривожлантириш ва диверсификациялаш унинг хом ашё базасини кенгайтириш ва маҳсулотлар ишлаб чиқариш ҳажмини ошириш имконини берди. Хусусан, мева-сабзавот ва узум маҳсулотлари ишлаб чиқариш 1,6 бараварга, гўшт маҳсулотлари – 1,4 бараварга, сут маҳсулотлари – 1,4 бараварга ошди.
Манба: «kun.uz» сайти