Извините, этот техт доступен только в “Узбекский”. For the sake of viewer convenience, the content is shown below in the alternative language. You may click the link to switch the active language.
Бугунги янгиланаётган Ўзбекистон сўнгги бир неча йил ичида жадал иқтисодий ўзгаришларни бошдан кечирди, тобора халқаро ҳамжамиятда бизнес ва инвестициялар учун турли тўсиқларни бартараф этишда очиқлик, янгиланиш ва қатъиятлилик рамзларидан бири сифатида намоён бўлмоқда.
Мамлакатимиз иқтисодий-ижтимоий ҳаётида Олмалиқ кон-металлургия комбинати ҳам муҳим ўрин тутиши ҳеч кимга сир эмас. Ташкил этилганига 70 йилдан ошган комбинат айниқса, сўнгги беш йил ичида таниб бўлмас даражада ўзгарди, десак муболаға бўлмайди. Бунинг бош сабаби комбинат жамоаси ва раҳбарияти томонидан ишлаб чиқариш, инвестициялар ҳамда ижтимоий соҳадаги барча ишлар мамлакатда олиб борилаётган ислоҳотларга ҳамоҳанг тарзда амалга оширилаётгани билан боғлиқдир.
Ўзлаштирилган инвестициялар ҳажмида комбинатнинг ўз маблағлари салмоғи ортиб бормоқда. Агар 2017-2018 йилларда ўзлаштирилган инвестициялар таркибида Ўзбекистон Республикаси Тикланиш ва тараққиёт жамғармаси маблағлари юқори салмоқни ташкил этган бўлса, сўнгги йилларда комбинатнинг ўз маблағлари ҳамда тўғридан-тўғри хорижий кредитлар улуши ортиб бормоқда.
2021 йилда умумий қиймати 196,1 млн. доллар бўлган 2 та йирик инвестиция лойиҳаси ишга туширилди. Инчунун, «Қизил-олма» кони базасида «Самарчук» ер ости кони қурилиши лойиҳаси доирасида умумий қиймати 71,5 миллион АҚШ доллари миқдорида инвестиция ўзлаштирилди. Лойиҳани амалга ошириш ҳисобига йилига таркиби олтинга бой 100 минг тонна руда қазиб олиш имконияти юзага келди.
«Хомашёни қайта ишлаш бўйича ишлаб чиқариш қувватларини кенгайтириш» лойиҳаси амалга оширилиши ҳисобига эса 124,6 миллион АҚШ доллари миқдоридаги маблағлар ўзлаштирилди. Натижада «Қалмоққир» ва «Саричўққи» конларидан руда қазиб олиш ҳажмлари 3,1 млн. тоннага ошди. Агар мазкур кондан 2017 йилда реал ҳолатда 37,2 млн. тонна руда қазиб олинган бўлса, лойиҳа ишга тушганидан сўнг унинг қуввати йилига 40,3 млн. тоннага етказилди.
Жорий йилда Инвестиция дастури доирасида Тошкент вилоятида умумий қиймати 4,8 млрд. долларлик 2 та лойиҳа доирасида 766 млн. доллар миқдорида инвестициялар ўзлаштириш режалаштирилган (корхонанинг ўз маблағлари хисобидан – 200,0 млн. доллар., Тикланиш ва тараққиёт жамғармасининг ОКМК устав капиталига йўналтириладиган маблағлари – 435,0 млн. доллар, тўғридан-тўғри хорижий кредитлар – 131,0 млн. доллар). Лойиҳалар кесимида:
● «Ёшлик I» конини ўзлаштириш» инвестиция лойиҳаси доирасида 714,6 млн. доллар ўзлаштирилади;
Лойиҳа қуввати:
I босқич – 2021-2025 йилларда 290 минг тонна мис катоди, 38 тонна олтин ва 203 тонна кумуш;
Камолиддин САЛИМОВ, «Олмалиқ кон-металлургия комбинати» акциядорлик жамияти бошқаруви раисининг истиқболли ривожлантириш ва инвестициялар бўйича ўринбосари вазифасини бажарувчи