Буғдой, ун, ўсимлик мойи ва яна ўнга яқин маҳсулотлар Ўзбекистон озиқ-овқат импортининг асосини ташкил қилади.
Ўзбекистонга қандай озиқ-овқат маҳсулотлари импорт қилинаётгани ҳақида Инвестициялар ва ташқи савдо вазирлиги ахборот хизмати раҳбари Гулшан Ботирова маълум қилди.
2020 йилда Ўзбекистонга 1,7 млрд. долларлик озиқ-овқат импорт қилинган бўлса, 2021 йилда 2,2 млрд. долларни ташкил қилган, бу – 25% кўп.
Импорт озиқ-овқат маҳсулотлари асосан Қозоғистон ($ 881 млн.), Россия ($ 747 млн.), Белоруссия ($ 105 млн.), Украина ($ 59 млн.), Туркия ($ 45 млн.) давлатларидан импорт қилинган.
Импорт озиқ-овқат маҳсулотларининг асосий қисми:
- буғдой – 616 млн. долл. (2020 йил нисбатан +10 %);
- ўсимлик ва хайвон ёғи – 499 млн. долл. (+53 %);
- гўшт маҳсулотлари (товуқ гўшти) – 188 млн. долл. (+84 %);
- ун ва ун маҳсулотлари – 158 млн. долл. (+19 %);
- шакар ва кондитер маҳсулотлари – 146 млн. долл. (-41 %);
- мева-сабзавотлар (картошка) – 142 млн. долл. (+73 %);
- сут маҳсулотлари, тухум ва асал – 68 млн. долл. (+41 %);
- алкогольсиз ичимликлар – 48 млн. долл. (+182 %);
- консерваланган мева-сабзавотлар – 43 млн. долл. (+59 %);
- ёрмалар (гречка, сули, манна) – 14 млн. долл. (+27 %).
Вазирлик маълумотида республика ичида озиқ-овқат хавфсизлги стратегиясини таъминлаш учун қилинаётган ишлар ҳақида ҳам тўхталиб ўтди. Хусусан, ҳудудларда қишлоқ хўжалиги маҳсулотларини қайта ишлайдиган 13 минг корхона, умумий майдони 4,7 минг гектар бўлган иссиқхоналар, 39 та агрологистика маркази ва 1 млн тоннадан юқори маҳсулот сиғимига эга бўлган 3 282 та омборхона ва совуткичлар фаолият юритаётгани айтиб ўтилган.
0
59 
