Барқарор ривожланиш, ижтимоий жавобгарлик ва атроф-муҳитни ҳимоя қилиш

 

     Сўнгги йилларда иқтисодий ривожланишга бўлган эъти­бор доимий ўсиб бор­моқда, бу бозор иқтисоди­ётидаги объектив ўзга­ришлар ва тармоқлар бозорининг шаклланиши билан боғлиқ. Ҳозир ду­нёда одамлар оғир экологик муаммоларга дуч келмоқда. Жамият ва давлатлар экологик жиҳатдан йўналтирилган иқтисодиётнинг муҳимли­гини тан олган, чунки аҳоли ўсиши, иқлим ўзгариши, ҳаво ифлосланиши ва сув тақчиллиги каби ижтимоий ва экологик муаммолар иқтисодий ривожланишга таҳдид қилади. Бугун «яшил» иқтисодиёт – асосан экологик барқарорлик, ижтимоий адолат ва иқтисодий ўсишга йўналтирилган.
     Ўзбекистон Республикаси ­Президенти Ш.М. Мирзиёев Муста­қиллигимизнинг 34 йиллиги муносабати билан ўтказилган тадбирда экологик муаммолар ва уларнинг ечими бугунги куннинг энг муҳим вазифаси эканлигини таъкидлади. Агар бир томонда қурилиш, саноат, қишлоқ хўжалигини ривожлантириш зарурияти бўлса, иккинчи томонда – ҳар биримиз учун муҳим бўлган сув­ни асраш, атроф-муҳитни ифлосланишдан ҳимоя қилиш ва ер ресурсларидан оқилона фойдаланиш масалалари турибди. Ҳукуматнинг вазифаси – ҳар икки йўналиш ўртасидаги мувозанатни сақлаш. ESG (environmental, social, governance) мезонлари тадбиркорлик субъектларида экологик ва ижтимоий шароитларни яхшилаш ва барқарорликни ошириш учун муҳим вазифаларга айланди.
     Ўзбекистон ESG концепциясини фаол ривожлантирмоқда – сўнгги йилларда «яшил» иқтисодиётга ўтиш стратегияси каби бир қатор муҳим норматив ҳужжатлар қабул қилинди. Бир нечта йирик корхоналар ESG таж­рибаларини жорий этишни бошлади ва халқаро экспертларни жалб этмоқда.
     2021 йилда Ўзбекистон Республикаси Президенти ташаббуси билан «Ўзбек геология қидирув» акциядорлик жамияти ташкил этилиб, унинг зиммасига геология-қидирув ишларини модернизация қилиш ва ривожлантириш вазифаси юклатилди.
     Компания 2023 йил учун барқа­рор ривожланиш бўйича ESG ҳисо­ботини биринчи марта нашр этди. Умуман олганда, ESG рейтингини жорий этиш «Ўзбек геология қиди­рув» АЖга қуйидаги афзалликларни олиб келиши мумкин:
     ● Репутацияни яхшилаш ва инвесторларни жалб қилиш. ESG рейтинги юқори бўлган компаниялар, айниқса, ижтимоий ва экологик жавобгарликка эътибор берувчилар учун. ESG рейтингини жорий этиш компанияга янги инвесторларни жалб қилиш имкониятини яратади.
     ● Хавфларни камайтириш. ESG омилларини ҳисобга олиш компа­нияга хавфларни аниқроқ баҳолаш ва фаолиятини барқарор ривожланишга мувофиқлаштириш имконини беради. Масалан, экологик хавфларни баҳолаш табиий экологик офатлар ва улар билан боғлиқ молиявий зарарларнинг олдини олишга ёрдам беради.
     ● Самарадорликни яхшилаш. ESG рейтинги жорий этиш компаниядан операцияларини диққат билан назорат қилишни ва ресурслардан самарали фойдаланишни талаб қилади. Бу харажатларни қисқартириш ва даромадни оширишга ёрдам беради.
     ● Манфаатдор тарафлар билан муносабатларни мустаҳкамлаш. ESG принципларини жорий қилган компаниялар, мижозлар, шериклар, таъминотчилар ва давлат органлари каби манфаатдор тарафлар билан яхши алоқалар ўрнатиши мумкин. Бу томонлар билан ҳамкорлик ESG асосидаги принциплар ёрдамида ривожланиш ва бизнеснинг узоқ муддатли барқарорлигини таъминлайди.
     ● Янги бозорларга ва имкониятларга кириш. Айнан «яшил» иқти­со­диёт соҳаларида айрим бозорлар жуда тез ривожланмоқда. Юқори ESG рейтингига эга компаниялар ушбу бозорларга киришда афзалликка эга бўлади ва бизнесини кенгайтириш учун янги имкониятлардан фойдаланади.
     ESG ёндашувларининг интеграцияси компанияларга репутацияни яхшилаш, мижозлар, акциядорлар ва инвесторлар томонидан ишончни мустаҳкамлаш имконини беради. ESG рейтинги юқори бўлган компаниялар узоқ муддат давомида барқарор бў­лади, молиялаштиришни енгиллаш­тиради ва иқлим, ижтимоий ва бозор шароитларининг ўзгаришлари билан боғлиқ хавфларни камайтиради. ESG омилларини инкор этувчи компа­ниялар истеъмолчилар ва назорат органлари томонидан қўллаб қувват­ланмаслиги йўқотиши мумкинлигини эътироф этиш муҳим.

 

 

     Жамиятда 4 000 дан ортиқ ходим фаолият юритмоқда, улардан 563 нафари аёллардир. Меҳнат жараёнларининг мураккаблиги ва инсон омилининг устуворлигини ҳисобга олган ҳолда раҳбарият ходимлар учун қулай ва хавфсиз меҳнат шароитларини яратишга катта эътибор қаратмоқда.

 

 

 

 

 

ПОСЛАТЬ ДРУГУ

 ПЕЧАТЬ

Intervyu