Янги ўқув йилида мамлакатимиздаги аксарият таълим муассасалари ўқувчилари ўзимизда ишлаб чиқарилган глобуслардан фойдаланишмоқда.

     Бундай маҳсулот Қибрай туманидаги «Ziyo Globus» хусусий корхонасида тайёрланаяпти. Бунга ҳали кўп вақт бўлмаган, лекин харидорлар сони тобора ортмоқда. Жорий йилда Қашқадарё вилояти мактабларига глобуслар етказиб берилгани ҳам сўзимиз тасдиғидир.

     «Ziyo Globus» корхонасида ишлаб чиқарилаётган импорт ўрнини босувчи товарларда маҳаллий хом ашёнинг улуши 80 фоизга етказилди. Бунда 2015-2019 йилларда тайёр маҳсулотлар, бутловчи буюмлар ва материаллар ишлаб чиқаришни маҳаллийлаштириш дастури муҳим аҳамият касб этмоқда.