«Навоий кон-металлургия комбинати» тизимида ахборот-коммуникация технологияларининг қўлланилиши: ютуқ ва натижалар» мавзусида республика семинари бўлиб ўтди.
Ўзбекистон Республикаси Axборот технологиялари ва коммуникацияларини ривожлантириш вазирлиги, «Навоий кон-металлургия комбинати» давлат корхонаси ҳамкорлигида Учқудуқ ва Зарафшон шаҳарларида ташкил этилган тадбирда мамлакатимиз иқтисодиёт тармоқларида фаолият кўрсатаётган олимлар, мутахассислар, ёш тадқиқотчилар иштирок этди.
Тадбирда мамлакатимизда замонавий ахборот-коммуникация технологияларини ривожлантириш ва жорий этиш, юқори малакали мутахассислар тайёрлашга алоҳида эътибор қаратилаётгани таъкидланди.
Таъкидланишича, семинарда замонавий ахборот-коммуникация технологияларини кончилик саноатида қўллашнинг ишлаб чиқариш самарадорлигини оширишдаги аҳамияти бўйича фикр алмашилди. Бу борада «Навоий кон-металлургия комбинати» давлат корхонасининг Марказий ва Шимолий кон бошқармаларида амалга оширилаётган ишлар муҳокама қилинди.
Манба uza.uz