2019 йил бошида «Tianjin Zhongzhilihua» компанияси билан «SinoInternational» МЧЖ ўртасида келишувга эришилган эди. Унга кўра, янги завод Андижон вилоятида ишга туширилади.
Корхонада йилига жами 3 миллион жуфт спорт пойабзали ишлаб чиқарилиши кутилмоқда. Марказий Осиё давлатларига тайёр маҳсулотларнинг 50 фоизини экспортга йўналтириш режалаштирилган.
Лойиҳанинг молиявий манбаси – инвестор Фан Ронг Хуан бўлиб, лойиҳа тўлиқ ишга тушиши учун тўғридан тўғри 12 миллион АҚШ доллари миқдорида маблағ йўналтирилиши режалаштирилган. Ҳозирда хорижий инвестор томонидан 6 миллион АҚШ долларлик инвестиция киритилган.