- O‘zbekiston iqtisodiy axborotnomasi - https://evu.uz/uz -

Марказий банкда ЕТТБ вакиллари билан Ўзбекистонда гендер тенглиги ва инклюзивлиги масалалари бўйича учрашув ўтказилди

Posted By vestnik1919_is0g0ljt On 12.10.2021 @ 14:27 In Новости | No Comments

     Марказий банкда Европа тикланиш ва тараққиёт банки вакиллари ҳамда манфаатдор идоралар билан ҳамкорликда ташкил этилган учрашувда аёллар тадбиркорлиги бўйича ягона маълумотлар платформасини яратиш ва таҳлил қилиш ҳамда уни амалга ошириш бўйича кўрсатиладиган техник ёрдам миссияси муҳокама қилинди.
     Тадбиркорлик соҳасида гендер бўйича ягона платформани яратишда зарур маълумотларни тегишли идоралардан олиш ва уларни таҳлил қилиш масалалари, платформанинг техник имкониятлари кўриб чиқилди.
     Баҳолаш жараёнида иштирокчилар мамлакатда гендер тенглиги тўғрисида ҳисобот бериш платформасини жорий этиш юзасидан бир тўхтамга келдилар. Бу эса аёллар тадбиркорлигини ривожлантиришда янада самарали қарорлар қабул қилиш ва мамлакатда гендер инклюзивлиги бўйича биринчи миллий ҳисоботни яратиш имконини беради.
     Учрашув якунида ЕТТБ вакиллари томонидан кўрсатиладиган техник кўмак миссияси доирасидаги таклифлари қабул қилиниб, келгусида ҳамкорликда амалга оширилиши режалаштирилган ишлар келишиб олинди.
Манба: cbu.uz [1]

Article printed from O‘zbekiston iqtisodiy axborotnomasi: https://evu.uz/uz

URL to article: https://evu.uz/uz/novosti/o-zbek-markazij-bankda-ettb-vakillari-bilan-zbekistonda-gender-tengligi-va-inklyuzivligi-masalalari-b-jicha-uchrashuv-tkazildi.html

URLs in this post:

[1] Манба: cbu.uz: http://cbu.uz

Copyright © 2015 EVU. All rights reserved.