- O‘zbekiston iqtisodiy axborotnomasi - https://evu.uz/uz -

“Tesla” акциялари баҳосининг пасайиши ортидан Элон Маск бир кунда 15 миллиард доллар йўқотди

Posted By vestnik1919_is0g0ljt On 24.02.2021 @ 10:52 In Новости | No Comments

     Bloomberg Billionaires Index (BBI) савдо ва индекс маълумотларига кўра, “SpaceX” ва “Tesla” раҳбари Элон Маскнинг бойлиги “Tesla” акциялари баҳосининг пасайиши туфайли сўнгги бир кеча-кундузда 15 миллиард долларга камайган.
     “Bloomberg” агентликнинг маълум қилишича, айни пайтда Маскнинг бойлиги 15,2 миллиард долларга камайиб, 183 миллиард долларни ташкил этмоқда.
     Amazon асосчиси Жефф Безоснинг бойлиги эса 3,73 миллиардга камайиб, 186 миллиард долларни ташкил этмоқда. Шу тариқа, Безос дунёнинг энг бой одамлари рейтингида яна биринчи поғонадан жой олди, Маск эса иккинчи ўринга тушиб қолди.
     Душанба куни “Tesla” акциялари 8,55 фоизга арзонлашиб, 714,5 долларни ташкил қилди. Пасайиш 2020 йил сентябрь ойидан бери энг қуйи кўрсаткичга эга бўлди. Amazon акциялари 2,13 фоизга арзонлашиб, 3 180,74 долларни ташкил этмоқда.

Article printed from O‘zbekiston iqtisodiy axborotnomasi: https://evu.uz/uz

URL to article: https://evu.uz/uz/novosti/o-zbek-tesla-akcziyalari-ba-osining-pasajishi-ortidan-elon-mask-bir-kunda-15-milliard-dollar-j-otdi.html

Copyright © 2015 EVU. All rights reserved.