Ушбу тадбирда вилоятнинг турли ҳудудларидан келган фольклор жамоалари, истеъдодли ёшлар ўзлари тайёрлаган миллий лапар ва қўшиқлар, халқ амалий санъати намуналари, мусиқали саҳна чиқишларини кенг жамоатчилик вакиллари эътиборига ҳавола этишди.  Мусиқий кечада мумтоз куй-қўшиқларнинг ёшлар талқинидаги замонавий ижроси барчага бирдек маъқул бўлди. Қадимий мумтоз наволаримизнинг қайта тикланиб, янада сайқал топаётгани чиқишларда ўз ифодасини топди. Дилга яқин тароналар барчага завқу шавқ улашди, рақсга, ўйин-кулгига чорлади.

Қайд этиш ўринли, бундай тадбирлар ёшларнинг ижодий қобилиятини рўёбга чиқариш ва уларни қўллаб-қувватлашда муҳим аҳамиятга эга эканлиги билан ҳам аҳамиятли.