«Камолот» ёшлар ижтимоий ҳаракати Миробод тумани кенгаши томонидан пойтахтимизда фаолият юритаётган тадбиркорлар билан ёшларнинг учрашуви ўтказилди.
Йиғилишда тадбиркорлар «Менинг бизнес ғоям» танлови ғолиблари билан учрашиб, уларга тадбиркорлик фаолиятини йўлга қўйиш қонун-қоидалари, йўл-йўриқлари, ўз тажрибалари ҳақида сўзлаб беришди.
Тадбирда соҳа мутахассислари томонидан ёшлар учун бизнесни тартибга солувчи меъёрий-ҳуқуқий ҳужжатлар, кичик бизнеснинг юридик мақомини танлаш, тижорат банкларининг кредит сиёсати, бизнес-режа тузиш талаблари, кичик бизнес технологияларини топиш, сотиб олиш ва олиб келиш шартлари бўйича маълумотлар берилди.
Манба uza.uz