Ўзбекистон Савдо-саноат палатаси Walmart’нинг Хитойдаги филиали — Samʼs Club China билан ҳамкорлик алоқаларини ўрнатди. «Podrobno.uz» нашри хабар беришича, энди ўзбекистонлик тадбиркорлар ўз маҳсулотларини Ўрта Қиролликдаги Америка чакана савдо тармоғида жойлаштириш имкониятига эга бўлди.
Samʼs Club China — бу Хитойда фаолият юритадиган ва истеъмол товарларини импорт қиладиган Walmart (АҚШ) филиали ҳисобланади.
Айни пайтда Савдо-саноат палатаси ўз маҳсулотларини Хитойнинг Samʼs Club China савдо марказлари тармоғида сотмоқчи бўлган маҳаллий корхоналардан таклифларни йиғмоқда. Хоҳловчилар анкетани тўлдириб, электрон шаклда Палатанинг Экспортни ривожлантириш идорасига 2021 йил 1 апрелгача топширишлари мумкин.
Манба: podrobno.uz [1]