Халқ банкининг учта филиали ҳозирда карантинга олинган ва ушбу банк муассасаларида хизмат кўрсатиш вақтинча тўхтатилган. Бу ҳақда банк матбуот хизмати хабар берди.
Жумладан, Андижон вилояти Куйганёр филиалида 59 киши карантинга олинган, 1 нафар ходимда коронавирус инфекцияси аниқланган.
Навоий вилояти Нурота филиалида барча ходимлар тест топширган, 8 нафарида COVID-19 аниқланган. Филиал вақтинча фаолиятини тўхтатган.
Навоий шаҳар филиалида ҳам барча ходимлар тест топширган ва натижасини кутмоқда. 1 нафар ходимда инфекция тасдиқланган.
Тошкент вилояти Юқори Чирчиқ тумани филиалида ҳам ходимлар коронавирусга тест топширган. Ҳеч бир ходимда инфекция аниқланмаган. Филиал карантин қоидаларига қатъий амал қилган ҳолда фаолиятини давом эттирмоқда.
Банк ахборот хизмати пенсионерларнинг ҳаётини асраш мақсадида улар учун пенсия ва нафақа пуллари уйма-уй юриб тарқатилаётганини эслатиб ўтган.
Манба: Kun.uz
0
164 
