Олтин захираси 6 тоннага ошди. Юқори нархлар туфайли унинг қиймати 0,5 миллиард долларга кўтарилди.
Ўзбекистоннинг расмий захира активлари 2022-йил 1-январ ҳолатига кўра $35,139 млрд ни ташкил қилди. Бу Марказий банкнинг маълумотларидан келиб чиқмоқда. Декабр билан таққослаганда, улар деярли $390 млн га ўсди.
Захиранинг валюта қисми ўтган ойда бироз пасайди. Ҳозир унинг ҳажми $13,07 млрд ни ташкил етади, бу декабр ойининг бошидагига нисбатан қарийб $120 млн га кам.
Шу билан бирга, Ўзбекистоннинг олтин захиралари кўпайди. 1-январда унинг қиймати $20,95 млрд га баҳоланди — бу бир ой аввалгидан ярим миллиард долларга кўп.
Қимматбаҳо металлнинг бир унсия нархи бир ой давомида $1827 гача кўтарилган бўлса, 18-январга келиб у бироз пасайиб, $1813 га йетди. Шунингдек, олтин миқдори 6 тоннага ошди, унинг тоннажи ҳозирда 11,6 млн троя унсиясини ёки 360,8 тоннани ташкил етади.
Ҳозирги захиралар 2021-йил даражасида тахминан 15 ойлик импортни молиялаштириш учун йетарли бўлади. Бу халқаро ташкилотлар томонидан ривожланаётган мамлакатлар учун тавсия етилган 3 ойлик даражадан сезиларли даражада кўпдир.
Aввалроқ Спот ноябр ойида Ўзбекистон Марказий банки хорижда олтин сотиш бўйича жаҳон йетакчисига айлангани ҳақида хабар берган еди.
0
56 
