Истиқлол йилларида мамлакатимизда кўплаб соҳалар қатори суғурта бозорини ривожлантириш борасида ҳам бир қатор тизимли ишлар амалга оширилмоқда. Суғурта ташкилотларининг самарали фаолият кўрсатиши учун ҳуқуқий, ташкилий-техник шарт-шароитлар яратилиб, аҳоли ва мижозларга ҳар томонлама қулай бўлган суғурта хизматлари кўрсатувчи шохобчалар ташкил этилмоқда. Масалан, биргина «ALSKOM» суғурта компанияси фаолияти ҳақида тўхталадиган бўлсак, ушбу ташкилот ўтган давр мобайнида корхона ва муассасаларни иқтисодий ва молиявий хавфсизлигини таъминлашда ўзини ишончли ҳамкор сифатида намоён этганлигини эътироф этиш мумкин.
Юртимизда кичик бизнес, хусусий тадбиркорлик субъектларини қўллаб-қувватлашга қаратилаётган эътибор, иқтисодиёт тармоқларида яратилаётган қулай ва жозибадор сармоявий муҳит, барқарор иқтисодий ўсиш суръатлари, иқтисодиётни модернизация ва диверсификация қилиш жараёнлари ҳам соҳа ривожига ўзига хос ҳисса қўшмоқда, десак муболаға бўлмайди.
Ўзбекистон ахборот-коммуникация соҳасида фаолият кўрсатаётган субъектлар фаолиятини ишончли ҳимоя қилиш мақсадида 1996 йилда ташкил этилган мазкур суғурта компанияси корхона ва ташкилотларнинг иқтисодий ва молиявий хавфсизликни таъминлаш ҳамда ишончини қозониш борасида улкан муваффақиятларни қўлга киритди. Айниқса, компания Ўзбекистон бозорида биринчилардан бўлиб, суғурта полисларини мобиль банкинг тизими орқали онлайн сотуви бўйича «eshop.alskom.uz» электрон дўконини ишга туширгани ҳамда жорий қилгани мижозларга суғурта хизматлари кўрсатишнинг замонавий тизими яратилаётганидан далолат беради. Энг муҳими, ушбу тизим суғурта қилдирувчиларга компания сайтида ариза-анкетани тўлдиришни қийинчиликларсиз, суғурта полиси учун тўловни электрон тўлов тизими орқали амалга ошириб, қисқа муддатларда курьер орқали суғурта полисини олиш имконини беради.
Биз учун энг қувонарли ҳол, компаниямиз фаолияти мустақил экспертлар томонидан юқори баҳоланиб, «Суғурта фаолиятини ўсиш суръати бўйича пешқадам» ва «Ўзбекистоннинг етакчи суғурта ташкилоти» каби юқори номинацияларга сазовор бўлганмиз, деб баралла айтиш мумкин. Компаниямизнинг бундай муваффақиятларни қўлга киритиши унинг нуфузидан далолат беради. Қолаверса, компания «Saipro» рейтинг агентлиги томонидан берилган «uzA+ – ўта юқори молиявий ишончлилик» рейтингига эга. Энг илғор ахборот-коммуникация технологияларини кенг кўламда жалб қилиш, ахборот алмашинувининг ягона тизимини шакллантириш, ҳужжатларни расмийлаштириш ҳамда суғурта фаолияти иш жараёнлари самарадорлигини ошириш борасида ҳам салмоқли натижаларга эришмоқда.
Қолаверса, «ALSKOM» суғурта компанияси 2016 йилдан электрон полиси сотувини йўлга қўйди. Мижоз компания электрон манзили (www.alskom.uz)даги ўзининг шахсий кабинети орқали ўзи ҳақидаги маълумотларни киритади ва электрон суғурта полисини шахсий кабинети орқали қабул қилиб олади. Дарҳақиқат, янги технологияларнинг жорий этилаётгани мамлакатимизда рақобатбардошлик даражасини ошириб, катта қулайликларга йўл очмоқда. Бу эса, ўз навбатида, истиқболли лойиҳалар амалга оширилишига замин яратмоқда. Қолаверса, корхона ва ташкилотлар учун қўшимча даромад манбаини яратиш мақсадида компания томонидан суғурта хизматларини воситали сотиш механизми жорий этилди. Бугунги кунда жаҳон почта тизими даромадлари ҳажмида қўшимча хизмат турларининг, айниқса, суғурта хизматлари кўрсатишнинг салмоғи тобора ортиб бормоқда. Бу борада «Ўзбекистон почтаси» АЖ билан ҳамкорликда суғурта полисларини мамлакат ҳудудларида кенг миқёсда сотилишини таъминлашга қаратилган «почта-суғурта» тизимининг йўлга қўйилганлигини мисол қилса бўлади.
Шуни ҳам эътироф этиш керакки, Ўзбекистон Республикаси ахборот технологиялари ва коммуникацияларини ривожлантириш вазирлиги, «Unicon.uz» маркази ҳамда «ALSKOM» суғурта компанияси ҳамкорлигида самарали ишларни амалга оширмоқда. Чунки, мазкур ҳамкорлик натижасида нафақат мамлакатимизда, балки Ҳамдўстлик давлатларида ҳам биринчилардан бўлиб, «Ахборот хавфларини суғурта қилиш» бўйича янги инновацион суғурта маҳсулоти яратилди. Ушбу маҳсулот икки маротаба «Энг яхши инновацион суғурта маҳсулоти» номинацияси бўйича миллий суғурта бозоримиздаги олий мукофот – «Олтин соябон» мукофотига лойиқ, деб топилди. Бу мукофот инновация суғурта маҳсулотини суғурта ҳамжамияти томонидан тан олинганлигини ифодалайди. Ҳозирда ушбу инновация суғурта маҳсулоти амалиётга кенг жорий этилмоқда.
Бундан ташқари, компанияда SMS-хабарнома тизими йўлга қўйилган бўлиб, у суғурталанувчилар, транспорт воситалари эгалари фуқаролик жавобгарлигини мажбурий суғурта қилиш полиси муддати тугаётганлиги ҳақида огоҳлантиради. «SMS-хабар» транспорт воситалари эгаларининг фуқаролик жавобгарлигини мажбурий суғуртасини расмийлаштирган ҳамда шахсий мобиль телефон рақамини тақдим қилган ҳар бир суғурталанувчига харид қилган суғурта полиси, унинг амал қилиш муддати ва тўланган суммаси ҳақида хабар юборади. Бу, ўз навбатида, «ALSKOM» СК AЖ суғурта хизматлари истеъмолчиларига суғурта полисининг ҳақиқийлиги ва унинг қиймати бўйича ҳисобнинг тўғрилигига ишонч ҳосил қилиш имконини беради. Шу билан бирга, олис қишлоқ жойлардаги аҳоли учун енгиллик яратиш мақсадида, банк карталари орқали тўловни амалга ошириш учун терминаллар билан жиҳозланган автотранспортлар бириктирилган «Суғурта полисларини сотиш бўйича сайёр гуруҳлар» фаолият юритмоқда.
Шу ўринда айтиш лозимки, ҳозирда компанияда автоматлаштирилган маълумотлар тизими ишлаб чиқилди ва амалиётга татбиқ қилинди. Мазкур тизим замонавий интернет технологиялари қўлланиши асосида ишлаб чиқилган бўлиб, барча керакли ҳужжатларни шакллантириш ва чоп этиш жараёнларини тезлаштириш, маълумотлар базалари шаклланишини, суғурта даъволарининг рўйхатга олиниши ҳамда ўз вақтида кўриб чиқилишини назорат ва мониторинг қилиш, уларни компаниянинг ягона маълумотлар базасида сақлаш имконини яратди.
Қисқача айтганда, «ALSKOM» суғурта компанияси келгусида ҳам аҳолини, иқтисодиётнинг реал сектори корхона ва ташкилотларини, кичик бизнес ва хусусий тадбиркорлик субъектларини суғурталаш масалаларига устувор вазифа сифатида алоҳида эътибор қаратади. Аҳолининг барча ижтимоий қатламларига юқори сифатли ҳамда тезкор суғурта хизматларини кўрсатиш иқтисодиётимиз янада барқарор ривожланишига, аҳоли турмуш фаровонлиги бундан-да, юксалишига хизмат қилиши шак-шубҳасиз!
Дилдора РАҲМАТУЛЛАЕВА,
«Alskom» компанияси мутахассиси
0
57 
