Маълумки, ҳар бир соҳа ривожида инвестицияларнинг ўрни беқиёс. Шу ўринда кейинги йилларда ўзига хос жадаллик билан ривожланиб бораётган тармоқ – тўқимачиликка йўналтирилаётган инвестицияларни тармоқни ривожлантирувчи дастаклардан бирига қиёсласак тўғри таъриф берган бўламиз.
Хусусан, Инвестициялар, саноат ва савдо вазирилиги ҳамда «Ўзтўқимачиликсаноат» уюшмаси билан ҳамкорликда, тўқимачилик саноатини 2030 йилгача ривожлантириш стратегияси ишлаб чиқилмоқда. Бунда, соҳада илғор муҳандислар мактабларининг фаолиятини йўлга қўйиш, йирик корхоналарда ўзларининг касбга тайёрлаш марказларини ташкил этиш;
● Илмий ишлаб чиқариш кластерлар ва «Изланиш ва ривожлантириш» (R&D) марказларини ташкил этиш ва уларни рағбатлантириш бўйича алоҳида дастурларни назарда тутиш;
● Тўқимачиликда ип калавани қайта ишлаш даражасини 100 фоизга етказиш ҳамда юқори сифатли матога бўлган талабни қондириш учун 300 минг тонна сунъий ва аралаш тола ишлаб чиқаришни йўлга қўйиш бўйича дастур ишлаб чиқилмоқда.
Унга кўра 2030 йилга бориб, саноат маҳсулотлари ишлаб чиқариш ҳажмлари 214,5 трлн. сўмга (2023 йилга нисбатан 2,4 баробар), экспорт ҳажмлари 10 млрд. долларга (2023 йилга нисбатан 2,2 баробар) етказилиши кутилмоқда.
Шунингдек, тўқимачилик хомашёсини ички бозорда чуқур қайта ишлашни қўллаб-қувватлаш мақсадида тўқимачилик саноатида банд бўлган ишчи ходимлар даромад солиғини ставкаларини пасайтирилган (1 фоизгача) ставкада тўлаш, ягона ижтимоий солиқ имтиёзи бўйича 80 фоиздан ортиқ экспорт қилиш талабини 60 фоизга тушириш, ип-калавани 70 фоизидан ортиғини ички бозорга сотган ип-йигирув корхоналарига мол-мулк ва даромад солиғини тўлашдан озод қилиш каби солиқ имтиёзлари қўлланилиши; Европага тайёр маҳсулотлар экспортини амалга ошириш ва танитиш мақсадида йирик савдо марказларига маҳсулотлар етказиб бериш ҳамда жойлаштириш харажатларини Экспортни рағбатлантириш агентлиги маблағлари ҳисобидан қоплаш.
Ахборот тариқасида айтиш керакки, «Boundary outlet» савдо маркази Англиядаги ТОП-5 таликдаги йирик савдо марказларидан бири бўлиб, энг кўп харидор оқими мавжуд савдо нуқталаридан ҳисобланади. Ўзбекистон маҳсулотларини ягона павильонда жойлаштириш асосида миллий маҳсулотларимизни дунёга танитиш имконияти яратилади.
Европа, Америка, Африка ҳамда Жанубий ва Шарқий Осиё давлатлари бозорларни мустаҳкам эгаллаш мақсадида харидорлар томонидан тўланадиган транспорт харажатларини 2023 йилнинг якунига қадар Тўқимачилик соҳасини қўллаб-қувватлаш жамғармаси (тайёр маҳсулот экспортини субсидиялашга бериладиган қисмидан) томонидан қоплаб бериш тартибини жорий этиш бўйича таклифлар ишлаб чиқилмоқда.
Бугунги кунда, Ўзбекистон Республикаси Президентининг 2023 йил 10 январдаги Фармони билан соҳа корхоналарини айланма маблағ билан таъминлашга 200 млн. доллар ҳамда инвестиция лойиҳаларини амалга ошириш учун 100 млн доллар имтиёзли маблағлар йўналтирилган. Шунингдек, Фармон билан, Андижон, Наманган ва Қашқадарё вилоятларида тўқимачиликка ихтисослашган кичик саноат зоналари ҳамда Тошкент вилоятида тўқимачилик ва чарм саноати маҳсулотларини чуқур қайта ишлашга ихтисослашган индустриал технопарки ташкил этилиши эвазига умумий қиймати 467,6 млн. доллар бўлган 42 та лойиҳалар амалга оширилиши режалаштирилмоқда.
Стратегияга мувофиқ, 2030 йилгача тўқимачилик соҳасида бундан-да кўплаб амалий ишлар қилиниши, халқаро доирадаги лойиҳалар тузилиши, келгуси 7 йилда яна қўшимча 3 млрд. доллардан зиёд инвестициялар ўзлаштирилиши ўзининг ижобий натижасини бериши шубҳасиз.
ИССВ ахборот хизмати
0
293 
