Марказий Банк матбуот хизматининг маълум қилишича, жорий йилнинг 15 февраль санасидан валюта биржасида валюта олди-сотдиси бўйича савдо сессиялари “Онлайн платформа” орқали соат 10:00 дан 15:00 гача аукцион усулларидан фойдаланган ҳолда амалга оширилиши йўлга қўйилди. Шунингдек, тижорат банкларининг валюта биржаси савдоларида мижозлар номидан иштирок этиш амалиётидан воз кечилди. Бу эса, ўз навбатида, тижорат банкларига очиқ валюта позицияси доирасида хўжалик юритувчи субъектлар билан ўзаро тўғридан-тўғри ҳамда кун давомида валюта биржасида валюта олди-сотди операцияларини амалга ошириш имконини берди.
2021 йилнинг февраль ойида ички валюта бозоридаги операцияларнинг умумий ҳажми 1,6 млрд АҚШ долларини ташкил этиб, январь ойига нисбатан 4 фоизга ўсди.
0
57 
