Энг йирик криптовалюта биржаси Coinbase 2021 йил апрель ойида тўғридан-тўғри рўйхатидан кейин биринчи марта молиявий кўрсаткичлар ҳақида хабар берди. У биринчи чоракда ўтган йилнинг тўртинчи чорагига нисбатан уч баробар кўпроқ ва бир йил аввалги биринчи чоракка нисбатан деярли 9,5 баравар кўпроқ даромад олди. Фойда ўтган йилнинг биринчи чорагига нисбатан 24 мартадан кўпроқ ва 2020 йилнинг охирги чорагига нисбатан тўрт мартадан ошди, дея хабар беради CNBC.
Биринчи чорак крипто алмашинувига 1,8 миллиард доллар даромад келтирди, бу 2020 йилнинг тўртинчи чорагидаги 585 миллион доллардан ва бир йил олдин 191 миллион долларга нисбатан анча йирик сон. Компаниянинг чоракдаги соф фойдаси 771 миллион доллардан ошди (2020 йилнинг тўртинчи чорагида 177 миллион доллар). Ҳар бир акция учун даромад 3,05 долларни ташкил этди. Натижалар, асосан, Coinbase’нинг биржадаги оммавий дебютидан бир ҳафта олдин чиқарилган тахминларига мос келди. Биринчи чоракда компаниянинг соф даромадининг қарийб 94 фоизи криптовалюта савдосидан операцион тўловлардан олинган. Coinbase тўловлари баъзи рақобатчилардан юқори.
0
295 
