Энг кучли Android смартфонлар номи эълон қилинди
AnTuTu бенчмарки май ойининг энг юқори самарадорликка эга топ смартфонлар рейтинги билан бўлишди, деб хабар беради “Korrespondent.net” нашри. Улар қаторидан Snapdragon 888 процессорига эга моделлар ва Black Shark 4 Pro ўрин олган.
Таъкидланишича, Black Shark 4 Pro Xiaomiʼнинг геймерлар учун мўлжалланган қурилмаси ҳисобланади. У 830 минг балл тўплаган. Шунингдек, рейтингдан Qualcomm Snapdragon 888 процессори, 12/256 гигабайтли хотирага эга смартфонлар ҳам ўрин олган. Шунга қарамай, рейтинг етакчиси ва сўнгги поғонадаги қурилма ўртасидаги фарқ 30 минг баллни ташкил этади.
Бундан ташқари, экспертлар рейтингдан ўрин олган ўрта нархдаги смартфонларнинг турфалигига алоҳида эътибор қаратган. Ушбу рўйхатга Snapdragon 780G процессорига эга Xiaomi Mi 11 Lite 5G бошчилик қилган. Иккинчи ўринни Redmi 10X Pro 5G эгаллаган.
Ишлаш самарадорлиги энг юқори бўлган планшетлар орасида биринчилик М1 чипи ўрнатилган iPad Pro 12.9 (2021)га насиб этди.
Манба: korrespondet.net
DO'STLARINGIZGA TAVSIYA ETING
0
58 
