Бугун, яъни 12 сентябрь куни Ўзбекистон ва қатор етакчи хорижий давлатларнинг нуфузли газеталари ҳамда интернет-нашрларида Ўзбекистон Республикаси Президенти Шавкат Мирзиёевнинг 15-16 сентябрь кунлари Шанхай ҳамкорлик ташкилоти Самарқанд саммитига бағишланган мақоласи чоп этилиб, муштарийлар томонидан қизғин кутиб олинди. Мақола Президентимизнинг қуйидаги сўзлари билан бошланади:
-“Ўзбекистоннинг Шанхай ҳамкорлик ташкилотига раислиги дунё миқёсида шиддатли жараёнлар кечаётган ўзига хос “тарихий эврилиш” палласига тўғри келди – бир тарихий давр ниҳоясига етмоқда ҳамда башорат қилиш мушкул бўлган янги бир давр бошланмоқда.
Халқаро ҳамкорликнинг универсал принцип ва нормаларига асосланган тизими издан чиқиб бораётгани бугунги кун ҳақиқатидир. Бунинг асосий сабабларидан бири – глобал даражада давлатлар ўртасидаги ўзаро ишончнинг чуқур таназзулга юз тутаётгани боғлиқ. Бу эса ўз навбатида геоосиёсий қарама-қаршиликларга рағбат бериб, “блокларга мансублик” стереотипларининг қайта туғилиш хавфини юзага келтирмоқда. Давлатлар ўртасидаги бундай ўзаро ишончсизлик жараёни жаҳон иқтисодиётининг аввалги тараққиёт йўлига қайтишини ва глобал таъминот занжирларининг тикланишини мураккаблаштирмоқда,- дейилади мақолада.
Дунёнинг турли нуқталарида давом этаётган қуролли можаролар савдо ва инвестиция оқимларини издан чиқариб, озиқ-овқат ва энергетика хавфсизлигини таъминлаш борасидаги муаммоларни янада кескинлаштирмоқда. Бундай мураккаб шароитда бир ҳақиқат аниқ: ҳеч бир мамлакат ёлғиз ҳолда ушбу глобал хавф-хатарларни четлаб ўтиш ёки бартараф этишга қодир эмас.
Мазкур мақола кенг жамоатчиликда катта қизиқиш уйғотмоқда ва бўлиб ўтажак нуфузли тадбир учун дастуриламал сифатида хизмат қилиши шубҳасиз.
0
314 
