Ўзбекистон Республикаси Президенти ишбилармонлар билан мулоқоти давомида ҳамма арзон кредит олишни хоҳлашини, бироқ фоизни сунъий пасайтириш бозордаги мувозанатга салбий таъсир кўрсатишини таъкидлади.
«Лекин, кредит фоиз ставкаларини сунъий пасайтирсак, пул бозоридаги мувозанат бузилади. Шунинг учун, иқтисодиётга арзон кредит берамиз деб, макроиқтисодий барқарорликни унутиб қўймаслигимиз лозим», – деди Шавкат Мирзиёев.
Бу борада, фоиз ставкаларига бевосита таъсир этадиган инфляцияни пасайтириш ҳамда банк орқали кредитлаш жараёнини тўлиқ бозор механизмларига ўтказишга қаратилган ишлар изчил давом этиши қайд этилди.
«Умуман, инфляция даражасини жорий йилда 10 фоизга, келгуси икки йилда 5 фоизга туширишни режа қилганмиз», – деди давлатимиз раҳбари.
0
57 
