Barchasi reklama beruvchilar tufayli. Kompaniya soʻnggi 7 yillikdagi eng yaxshi moliyaviy koʻrsatkichga ega boʻlmoqda.
Twitter-ning 2021-yilning ikkinchi choragi boʻyicha hisobot berdi. Maʼlum boʻlishicha, kompaniyaning daromadi 2020-yilning shu davriga nisbatan 74% ga yaʼni $1,19 mlrd ga yetgan.
Kompaniyaning taʼkidlashicha, bu 2014-yildan beri eng tez oʻsish boʻlib, natijalar reklama beruvchilar tomonidan talabning sezilarli darajada oshishi bilan bogʻliq.
Hisobotga koʻra, reklama daromadlari 87% ga oʻsib, $1,05 mlrd ni tashkil etdi. Monetizatsiya qilingan kunlik foydalanuvchilar soni ham 3,5% ga oʻsib, 206 mln ga yetgan.
Kompaniyaning taxminicha, 2021 yilning uchinchi choragida daromad $1,2 mlrd dan $1,3 mlrd gacha oʻsishi mumkin.
0
57 
