Ўзбекистон Россия ҳудудидан 1 млн гектар ер майдонини қишлоқ хўжалиги маҳсулотларини етиштириш учун ижарага олмоқчи. Ижара ерларидан олинган ҳосил Ўзбекистоннинг ички бозоридаги талабни қондиришга йўналтирилади.
Ўзбекистон қишлоқ хўжалиги вазири Жамшид Хўжаев Россия қишлоқ хўжалиги вазирининг ўринбосари Сергей Левин билан музокараларда биринчи босқичда «мулоқот ўрнатиш ва ўзаро ҳамкорлик механизмларни йўлга қўйиш» мақсадида 35 минг гектар ерни ижарага олиш таклиф қилинди.
Бунда Россия шароитларида етиштирилиши мумкин бўлган қишлоқ хўжалиги маҳсулотлари экилиши мумкин: буғдой, соя, мойли экинлар.
Россиянинг 23 та ҳудуди ушбу лойиҳага қизиқиш билдиришганини таъкидлади.
РБК «Ўзбекистонда қишлоқ хўжалиги ишларини қийин аҳволга солаётган ер ва сув танқислиги» ушбу чорани кўришга сабаб бўлганлигини ёзмоқда.
0
57 
