O‘zbekistonda mintaqadagi turizm xaritasini o‘zgartiradigan ambitsiyali loyiha amalga oshirilmoqda — MSA Resort yangi kurort kompleksi. Ushbu loyiha ichki va xalqaro turizmni, shuningdek, qishloq xo‘jaligini rivojlantirishda muhim qadam bo‘ladi. Kompleksning qurilishi Toshkent viloyatining Parkent tumanida 2024-yilda boshlangan bo‘lib, 2025-yilda yakunlanishi rejalashtirilgan. Loyiha doirasida taxminan 350 ta ish o‘rni yaratilishi kutilmoqda, bu esa mintaqaning iqtisodiy rivojiga ijobiy ta’sir ko‘rsatadi. MSA Resort loyihasining taqdimoti 2024-yil 20-dekabrda Toshkentdagi Nika grek-turk restorani binosida o‘tkazildi.
MSA Resort bir nechta asosiy yo‘nalishlarni rivojlantirishga qaratilgan: qishloq xo‘jaligi, gastro-, etno- va agro-turizm, shuningdek, yuqori qo‘shimcha qiymatga ega bo‘lgan uzum va boshqa qishloq xo‘jaligi mahsulotlarini zamonaviy ishlab chiqarish. Bu go‘zal joy o‘zbek madaniyatining, noyob tabiiy manzaralar va zamonaviy infratuzilmaning uyg‘unlashgan markaziga aylanishi kutilmoqda. MSA Resort loyihasi ommaviy tadbirlarni o‘tkazish uchun ko‘p funksiyali maydonlarni, shu jumladan, 1000 va undan ortiq kishini bir vaqtning o‘zida qabul qila oladigan open-air dam olish va ko‘ngilochar zonalarini, etnik uslubda bezatilgan yurt lagerini, mehmonxona, restoran va degustatsiya zalini o‘z ichiga oladi. Kompleksning mehmonlari Markaziy Osiyodagi uzumchilik va vinochilik tarixiga sho‘ng‘ishlari, shuningdek, tarixiy-madaniy merosga bag‘ishlangan markazni ziyorat qilishlari mumkin.
Loyiha yiliga taxminan 20 ming nafar sayyohni qabul qilishni mo‘ljallamoqda, bu esa MSA Resortni mintaqadagi eng ko‘p tashrif buyuriladigan komplekslardan biriga aylantiradi. Prognozlarga ko‘ra, import o‘rnini bosishdan iqtisodiy foyda yiliga taxminan 1 million dollarni tashkil etadi, bu esa asosan MSA Family Winery vinozavodi faoliyati bilan bog‘liq bo‘ladi, chunki u Evropaning eng yaxshi standartlariga mos ravishda mahsulotlar ishlab chiqaradi.
MSA Family Winery 2022-yildan boshlab Fransiyaning Bordo shahridagi vino muzeyida o‘zbek vinosini taqdim etib kelmoqda va nufuzli xalqaro musobaqalarda tan olingan. 2023-yilda MSA Family Winery Germaniyada eng nufuzli vino musobaqalaridan biri bo‘lgan Berliner Wine Trophy musobaqasida oltin medalni qo‘lga kiritdi. Ushbu musobaqa Jahon uzumchilik va vinochilik tashkiloti (OIV) va Xalqaro enologlar ittifoqi (UIOE) tomonidan homiylik qilinadigan dunyodagi eng yirik xalqaro vino musobaqalaridan biridir. Shu yilning o‘zida Germaniyada Mundus Vini musobaqasida 2 ta kumush medal qo‘lga kiritildi. Har yili yutuqlarni qo‘lga kiritishni davom ettirgan holda, 2024-yilda MSA Family Winery Fransiyaning Lion shahrida bo‘lib o‘tgan Concours International de Lyon xalqaro musobaqasida ikkita oltin medalni qo‘lga kiritdi va xalqaro mustaqil ekspertlarning fikriga ko‘ra, O‘zbekistondagi eng yaxshi vino deb topildi. Bundan tashqari, MSA Family Winery vakili Yekaterina Mokrova O‘zbekistonda birinchi bo‘lib o‘tkazilgan sommelierlar musobaqasida g‘alaba qozondi, bu esa xodimlarning professionalizmi va o‘z ishiga bo‘lgan sadoqatini hamda ishlab chiqarilayotgan mahsulotning yuqori sifatini ta’kidlaydi.
MSA Resort kompleksi nafaqat muhim turizm obyekti, balki qishloq xo‘jaligi, vinochilik va madaniy almashuvni rivojlantirishda muhim qadam bo‘ladi. Yangi turistik obyekt O‘zbekistonning dunyo miqyosidagi o‘rnini mustahkamlashga, mahalliy ishlab chiqaruvchilar va tadbirkorlar uchun yangi imkoniyatlar yaratishga hissa qo‘shadi.
0
99 
