Сўнгги йилларда мамлакатимизда ишлаб чиқариш қувватларини ошириш, бозор талабларига мослашиш учун инновацион ечимларни жорий этиш, транспорт йўлакларини диверсификация қилиш ва маҳаллий маҳсулотларни янги бозорларга олиб чиқиш масалаларига иқтисодий сиёсатнинг устувор вазифаларидан бири сифатида қаралмоқда.
Жаҳон иқтисодиёти шиддат билан ўзгараётган шароитда Туркий давлатлар ташкилоти (ТДТ) доирасида савдо-саноат иттифоқларини ташкил этиш барқарор ривожланиш учун муҳим аҳамият касб этади.
Ҳар бир мамлакат иқтисодиётида транспорт-логистика тизими алоҳида аҳамият касб этувчи йўналиш ҳисобланади. Зеро, транспорт-логистика тизимининг изчил ривожланиши ташқи савдо йўналишларини кенгайтириш, халқаро ва минтақавий ҳамкорликни янада тараққий эттириш, ташқи бозорларга юкларни етказиб бериш муддатларини қисқартиришга хизмат қилади.
Бугун дунёда юз бераётган глобал ўзгаришлар шароитида Ўзбекистон халқаро минтақавий ташкилотлар, жумладан, Туркий давлатлар ташкилоти (ТДТ) билан ҳамкорликни ривожлантирмоқда.
2024 йилда ТДТ мамлакатлари раҳбарларининг норасмий учрашувида Ўзбекистон Республикаси Президенти савдо, транспорт йўллари ва муқобил энергетикани ривожлантиришни ҳамда иқлим ўзгариши билан курашни Ташкилот доирасидаги ҳамкорликнинг устувор йўналишлари, деб атади.
11/08/2025 
