Фан ва техника тараққий этган ХХI асрда Германия, АҚШ, Англия, Россия каби давлатлар музейларида замонавий технологиялардан фойдаланган ҳолда экскурсияларни аудиогид орқали амалга ошириш ишлари кенг жорий этилган.
Ўзбекистон музейларида ҳам аудиогидлар ёрдамида музей заллари бўйлаб экскурсиялар олиб боришнинг замонавий усулларини жорий этиш ҳозирги кун учун долзарб масаладир.
Музейга ташриф буюрувчи, музейнинг мазкур дастур ўрнатилган мобиль қурилмасидан фойдаланган ҳолда, экспонатларга идентификацион рақамини киритиб, экспонат ҳақида маълумот эшитиши мумкин. Дастур ўзбек, рус ва инглиз тилларида ишлаш имкониятига эга.
Мазкур дастур Ўзбекистонда илк маротаба «Алоқа тарихи музейи» залларида 2015 йил март ойидан бошлаб экскурсиячилар эътиборига ҳавола этилмоқда.
Муаллифларга мазкур дастур учун № DRY 03194 рақамли гувоҳнома берилди.
0
106 
