Главная | Новости | Тошкент – Урганч ва Тошкент – Москва йўналишида қўшимча поездлар қатнови йўлга қўйилмоқда

Тошкент – Урганч ва Тошкент – Москва йўналишида қўшимча поездлар қатнови йўлга қўйилмоқда

Янги йил кунларида йўловчи поездларига бўлган талабнинг ортишини инобатга олиб, «Ўзтемирйўловчи» АЖ қўшимча рейслар ташкил этилаётганини маълум қилди.

Жумладан, жорий йил 16 декабрдан 2020 йил 7 январга қадар №556/555-сонли «Тошкент – Урганч – Тошкент» йўналишида қўшимча поезд йўлга қўйилади.

Шунингдек, 14 декабрдан 2020 йил 11 январга қадар №5/6-сонли «Тошкент – Москва – Тошкент» йўналишидаги поезднинг қўшимча қатнови ҳам йўлга қўйилади.

Эслатиб ўтамиз, халқаро йўналишдаги поездларда олдиндан сотиб олиш муддатига кўра чипта тарифининг 55 фоизгача чегирма мавжуд.
Манба: Kun.uz