2020 йил бошида Ўзбекистон президенти Шавкат Мирзиёевнинг Москвага давлат ташрифи билан бориши асносида Россия билан камида 12та янги келишув имзоланиши кутилмоқда.
Бу ҳақда Россия федерацияси Федерациялар кенгаши раиси Валентина Матвиенко маълум қилди, деб хабар бермоқда Kun.uz мухбири.
«Ўзбекистон президентининг келаси йил февралда Россияга ташрифига жиддий ҳозирлик кўряпмиз. Адашмаётган бўлсам, камида 12та ёки ундан кўпроқ янги келишувлар устида ишлаяпмиз», – деди Матвиенко Олий Мажлисда Қонунчилик палатаси спикери Нурдинжон Исмоилов билан кечган учрашувда.
Эслатиб ўтамиз, Россия президенти Владимир Путин 2018 йил октябрида Ўзбекистонга давлат ташрифи билан келган ва унда 20та ҳужжат имзоланган эди.
0
57 
