ЎзЛДП Қорақалпоғистон Республикаси кенгаши томонидан Хўжайли транспорт касб-ҳунар коллежида меҳнат ярмаркаси ўтказилди. Унда 36 ташкилот 110 бўш иш ўрни билан иштирок этиб,тадбир сўнггида 28 нафар ёшга мутахассислиги бўйича ишга жойлашиш учун йўлланма берилди. Улардан бири Бердақ номидаги қорақалпоқ давлат университетининг ўзбек филологияси йўналишини битирган Н. Тожибоева. Энди у тумандаги 71-умумтаълим мактабида ёшларга ўзбек тили ва адабиётидан дарс беради. Ярмаркада шаҳардаги корхона ва ташкилотлар томонидан 30 га яқин бўш иш ўрни таклиф этилди. Тадбир давомида фуқаролар билан меҳнат қонунчилиги, аҳолининг ҳуқуқий маданиятини юксалтириш борасида ҳам қизғин суҳбатлар ўтказилди.
0
104 
