Извините, этот техт доступен только в “Узбекский”. For the sake of viewer convenience, the content is shown below in the alternative language. You may click the link to switch the active language.
ИЭСнинг қуввати 1 560 МВт бўлади ва лойиҳанинг умумий қиймати 1,2 миллиард долларни ташкил этади. Лойиҳанинг ишга тушиш муддати 2024 йилда якунланади.
Нидерландиянинг “Stone City Energy” компанияси Сурхондарё вилоятида янги иссиқлик электр станциясини (ИЭС) қуради. Бўлажак станциясидан электр энергиясини сотиб олиш тўғрисида битим 19 апрель куни имзоланди. Бу ҳақида Энергетика вазирлиги матбуот хизмати хабар қилган.
«Замонавий технологиялардан фойдаланиш натижасида барпо этилиши режалаштирилган янги иссиқлик электр станцияси йилига 2,2 миллиард куб метр табиий газ сарфига эга бўлиб, 1,1 миллиард куб метр газни тежайди. Унинг фойдали иш коэффициенти 63 фоизни ташкил этади», — дейилган хабарда.
Лойиҳа доирасида энг янги технологиялар, шу жумладан HL синфидаги замонавий “Siemens Energy” ишлаб чиқарган буғ-газ қурилмалари татбиқ этилади.
Станция қурилиши давомида 2 000 дан ортиқ иш ўрни яратилади ва ИЭС ишга туширилгач, 150 нафарга яқин мутахассис доимий иш билан таъминланади.
2020 йилнинг декабрь ойидан бошлаб ўтказилган тадқиқотлар натижада Сурхондарё вилоятининг Ангор туманида янги иссиқлик электр станцияси қурилиши учун 150 гектар ер майдони ажратилди.
Ҳужжатларга кўра, инвестор ушбу иссиқлик электр станциясини лойиҳалаштиради, молиялаштиради, қуради, ишга туширади, 25 йил давомида фойдаланади ва бошқаради.
Манба: m.uz.sputniknews.ru
0
79 
