Эндиликда пойтахтимиздаги «AOKS Plus Business» масъулияти чекланган жамияти ҳудудида яна бир кичик саноат зонаси фаолияти йўлга қўйилади. Умумий майдони 5,1 гектарни ташкил қиладиган мазкур ҳудудга Учтепа кичик саноат зонаси номи берилди. Пойтахт ҳокимлиги бир ой муддатда Учтепа кичик саноат зонаси дирекциясини ташкил этиб, унга юқори малакали мутахассисларни жалб этиши лозим. Бундан ташқари, икки ой мобайнида ҳокимлик манфаатдор тижорат банклари билан биргаликда янги саноат зонаси ҳудудидаги инвестиция лойиҳаларини амалга ошириш бўйича тармоқ жадвалларини ишлаб чиқиши зарур. Кичик саноат зоналари ҳудудидаги ишлаб чиқариш майдонлари ва ер участкалари тадбиркорлик субъектларига 10 йилга ижарага берилади. Қисқаси, ташкил этилаётган Учтепа кичик саноат зонаси тадбиркорлик субъектларини қўллаб-қувватлашни янада кенгайтириш бўйича амалга оширилаётган чора-тадбирларнинг яна бир амалий ифодасидир.
0
427 
