Sorry, this entry is only available in Uzbek. For the sake of viewer convenience, the content is shown below in the alternative language. You may click the link to switch the active language.
Тошкент Фотосуратлар уйида 8 март – Халқаро хотин-қизлар кунига бағишлаб «Аёл гўзал – ҳаёт гўзал» деб номланган кўргазма очилди.
Юртимизда хотин-қизларнинг ижтимоий-сиёсий фаоллигини ошириш, ҳуқуқ ва манфаатларини ҳимоялаш, фаолиятини қўллаб-қувватлаш, қобилият ва истеъдодини рўёбга чиқариши учун имконият яратиш доимий эътиборда. Бу борадаги кенг кўламли ишлар самарасида жамиятда ўз муносиб ўрнига эга аёллар сафи кенгаймоқда. Ушбу кўргазмада ана шундай фаол хотин-қизларнинг ҳаёти ва интилишлари ифодаланган икки юзга яқин ижодий иш намойиш этилмоқда.
Кўргазмадан Ўзбекистон Бадиий ижодкорлар уюшмаси фоторассомлар шўъбаси аъзолари, ижодий мактаб-студияси битирувчиларининг фото асарлари ўрин олган. А.Жумаев, В.Шлосберг, В.Соколов, И.Содиқзода, М.Левкович, Ҳ.Атоев, У.Абдураззоқова, П.Алексей, Ҳ.Пайдоев, Ш.Шаропов, Б.Акрамов каби таниқли фотоусталар билан бирга, иқтидорли ёшлар томонидан олинган суратларда хотин-қизларни ҳар жиҳатдан қўллаб-қувватлашга доир эзгу ишлар, шижоатли ёшларимизнинг орзу-умидлари акс эттирилган.
Б.МЕЛИҚУЛОВА,
ЎзА мухбири
0
127 
