Sorry, this entry is only available in Uzbek. For the sake of viewer convenience, the content is shown below in the alternative language. You may click the link to switch the active language.
Сотишнинг қисқариши туфайли олтин захираси 30 тоннага ошди. Шундан 8,4 тоннаси декабр ойида харид қилинган.
World Gold Council маълумотларига кўра, декабр ойида Ўзбекистон Марказий банки дунёдаги енг йирик олтин харидорлардан бирига айланди.
Бир ой ичида орган 8,4 тонна қимматбаҳо металлни қўлга киритиб, дунёда иккинчи ўринни егаллади. Регулятор 21,5 тонна олтин сотилган ноябр ойида рекорд даражадаги савдодан сўнг олтин захираларини тўлдирди.
Сотувчилар ва харидорлар
Расмий захиралардаги олтиннинг умумий ҳажми 2021-йилнинг охирги ойида 14,2 тоннага ошди. Туркия енг йирик харидорга айланди, сотувдан сўнг ўз захирасини яна 10,1 тоннага оширди. Йил охирида у 394,2 тоннани ташкил етди.
Ҳиндистон захира банки олтиннинг 3,7 тоннага кўпайиши билан учинчи ўринни егаллади. Тўртинчи ўринда Қирғизистон бўлиб, у қимматбаҳо металлар захирасига 1,1 тонна қўшди.
Қозоғистон Миллий банки олтинни декабр ойида енг фаол сотган (4,8 тонна). Иккинчи ўринда Шри-Ланка жойлашган бўлиб, у бир ой ичида 3,6 тонна ёки олтин захираларининг ярмини сотган. Учинчи ўринни 1,6 тонна билан Полша егаллади.
Жаҳон олтин захиралари ўтган йили 463 тоннага ошиб, кетма-кет 12-йилдирки ортиб бормоқда. Банклар талабни қисман қўллаб-қувватлаган ҳолда қимматбаҳо металлардаги захираларни кўпайтиришда давом етмоқда. 2022-йилда ҳам бу давом етиши кутилмоқда.
Ўзбекистон Марказий банки бир йил давомида олтин захираларини 30 тоннага оширди. Шундай қилиб, регулятор ушбу кўрсаткич бўйича биринчи бешта давлатдан жой олди.
Биринчи ўринни 90 тонна олтин сотиб олган Таиланд егаллади. Ундан кейинги ўринда Ҳиндистон (+77,5 тонна) — унинг захираларидаги ўсиш 2009-йилдан бери рекорд ўрнатди. Ўзбекистон, шунингдек, Венгрия (+63 тонна) ва Бразилия (+62 тонна)ни ҳам ортда қолдирди. Йил давомида Венгрия олтин захиралари уч баравар ошди.
0
422 
