Айни кунларда Китоб туманининг Варганза қишлоғида биринчи халқаро анор агрофестивали бўлиб ўтмоқда. Бу ҳақда Kun.uz мухбири хабар беради.
Тадбир «Қашқадарё вилоятининг туризм салоҳиятидан самарали фойдаланиш чора-тадбирлари тўғрисида»ги ҳукумат қарори ижросини таъминлаш, бу орқали бой маданий мерос ва тарихий анъаналарни сақлаш, боғдорчилик фаолияти билан шуғулланувчи намунавий маҳаллий аҳоли вакилларини қўллаб-қувватлаш, ҳудудда агротуризмни ривожлантириш мақсадида ташкил ўтказиляпти.
Фестивал аввалида Қарши шаҳридан 120 километр узоқликда жойлашган Варганза қишлоғига Ўзбекистондаги илк агротуризм қишлоғи мақоми берилди ва «Варганза» МФЙ раисига агротуризм қишлоғининг рамзий калити топширилди.
Варганза қишлоғи аҳолиси азалдан анорчилик ҳадисини олган. Фермер хўжаликлари ер майдонлари ва аҳоли томорқаларида анорнинг қораширин, бедона, аччиқдона, улфи, қай, туятиш сингари навлари етиштирилади.
Қашқадарё вилояти Туризм бошқармаси маълумотига кўра, варганзалик ишбилармонлар ҳар йили минг гектардан зиёд майдондан 5 минг, 6 минг тонна ҳосил териб, қўшни мамлакатларга экспорт қилишади.
«Қишлоқ аҳлининг тирикчилик манбайи – асосан анорчилик. Аёл-у эркак, ёш-у қари тўрт фасл анор парвариши билан шуғулланади. Шу боис бу ерда ночор яшаётган оилалар, чет эл мамлакатларида иш қидириб, сарсон юрган муҳожир фуқаролар умуман йўқ», – дейди «Варганза» МФЙ раиси Зиёдулла Мирзаев.
Фестивал давомида Варганзага Ўзбекистондаги илк агротуризм қишлоғи мақоми берилгани .
28 сентябрь куни бошланган халқаро агрофестивал уч кун давом этади.
Манба: kun.uz
0
128 
