Sorry, this entry is only available in Uzbek. For the sake of viewer convenience, the content is shown below in the alternative language. You may click the link to switch the active language.
Тадбиркорлар ва ишбилармонлар ҳаракати – Ўзбекистон Либерал-демократик партияси сиёсий кенгаши ижроия қўмитасининг ҳудудий партия ташкилотлари, маҳаллий Кенгашлардаги партия депутатлик гуруҳлари иштирокида ҳисобот йиғилиши бўлиб ўтди. Унда 2016 йилда партия томонидан амалга оширилган ишлар танқидий таҳлил қилиниб, галдаги вазифалар белгилаб олинди.
Тадбирда давлатимиз раҳбарининг мамлакатимизни 2016 йилда ижтимоий-иқтисодий ривожлантиришнинг асосий якунлари ва 2017 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг кенгайтирилган мажлисидаги маърузасида белгиланган вазифалар муҳокама этилди.
Тадбиркорлар ва ишбилармонлар ҳаракати – Ўзбекистон Либерал-демократик партияси сиёсий кенгаши ижроия қўмитаси раиси С.Турдиев ва бошқалар жамиятни либераллаштириш ва демократлаштириш, мамлакатимиз иқтисодиётини ривожлантириш, халқимиз турмуш фаровонлигини юксалтириш борасида аниқ ва мақсадли вазифалар белгилаш лозимлигини таъкидлади.
Тадбирда 2017 йилда аҳоли билан мулоқот қилишнинг самарали тизимини амалга ошириш, ташкилот ва идоралар раҳбарлари фаолиятига танқидий баҳо бериш, депутатлик ваколатлари доирасида эшитувлар, назорат-таҳлил фаолиятини ташкил этиб бориш, тадбиркор ва фермерлар дуч келаётган муаммоларни бартараф этишда кучли депутатлик назоратини олиб бориш, хотин-қизлар ва ёшларни тадбиркорликнинг турли йўналишларига жалб қилиш борасида устувор вазифалар белгилаб олинди.
Йиғилишда муҳокама қилинган масалалар юзасидан тегишли қарорлар қабул қилинди.
Манба uza.uz
0
429 
