Sorry, this entry is only available in O´zbek. For the sake of viewer convenience, the content is shown below in the alternative language. You may click the link to switch the active language.
Юртимизда жорий йил янги конлар очиш орқали табиий газ захираси 57 миллиард куб метрга, нефть ва конденсат захираси 3,6 миллион тоннага кўпайтирилади. Шунингдек, 2018 йилда 63 миллиард куб метр табиий газ, 3 миллион тонна нефть ва конденсат қазиб олишни таъминлаш учун 255 та янги қудуқ ва 26 та янги технологик объектни қуриш ишларини якунлаш, 76 та қудуқни капитал таъмирдан чиқариш ишлари амалга оширилади. «Ўзбекнефтегаз» АЖ тизимида геология-қидирув ва қазиб олиш ишлари самарадорлиги, ёқилғи материаллари билан ички эҳтиёжни таъминлашнинг аҳволи, тизимдаги истиқболли вазифалар ижросига бағишланган йиғилиш (25.01.2018 й)да ана шу каби маълумотлар тилга олинди.
Давлат статистика қўмитаси маълумотларига кўра, Ўзбекистонда 2017 йилда 56 миллиард 417 миллион куб метр газ қазиб олинган бўлиб, 2016 йилда эса бу кўрсаткич 56 миллиард 132 миллион куб метрни ташкил этган эди.
0
475 
