Sorry, this entry is only available in O´zbek. For the sake of viewer convenience, the content is shown below in the alternative language. You may click the link to switch the active language.
Ўзбекистон Республикаси Молия вазирлиги ҳузуридаги ўқув маркази томонидан «Ўзбекистон молия тизимининг мустақил 25 йил давомидаги тараққиёт йўли» мавзуида илмий-амалий конференция ўтказилди.
Унда Олий Мажлис Қонунчилик палатаси депутатлари, олий ўқув юртлари профессор-ўқитувчилари, тадқиқотчи ва амалиётчи мутахассислар, молия ва ғазначилик тизими ходимлари иштирок этди.
Конференцияда молия соҳасининг тараққиёт йўлида давлат харидлари тизими яратилгани ва уни такомиллаштиришнинг асосий йўналишлари ишлаб чиқилгани алоҳида қайд этилди.
Тадбирда ғазначилик тизими, уни ташкил этиш, ривожлантириш ҳамда яқин келажакдаги устувор вазифаларга алоҳида эътибор қаратилди. Давлат бюджетини бошқариш соҳасидаги янгиликлар, барча субъектлар бюджет ва молиявий интизомга қатъий риоя қилиши, халқаро стандартларга таянган ҳолда давлат сектори учун бухгалтерия ҳисобининг миллий стандартларини ишлаб чиқиш ва мазкур соҳани янада ривожлантириш мақсадида кўрилаётган чора-тадбирлар ҳақида сўз юритилди.
Манба uza.uz
0
480 
