Извините, этот техт доступен только в “O´zbek”. For the sake of viewer convenience, the content is shown below in the alternative language. You may click the link to switch the active language.
Тошкентда «Марказий Осиёда транспорт ва логистика бизнес-уюшмаларини мустаҳкамлаш» лойиҳасига бағишланган тақдимот бўлиб ўтди.
Иштирокчилар дунёда мева-сабзавот маҳсулотларини харид қилиш, сақлаш, бирламчи ишлов бериш, экспортга тайёрлаш ва транспортировка қилиш ишларини комплекс бажариш аҳоли фаровонлиги ва мамлакатлар ўртасидаги экспорт салоҳиятини янада оширишга хизмат қилишини алоҳида таъкидладилар.
2017-2019 йилларда Ўзбекистон ва Туркманистон ҳудудларида амалга оширилиши режалаштирилган мазкур лойиҳалар кўмагида замонавий логистика марказларини кўпайтириш режалаштирилмоқда. Лойиҳа уюшмалар, кичик ва ўрта бизнес вакилларига товарлар етказиб бериш, сақлаш ва тақсимлаш, иш ўрни яратиш, ходимларни ўқитишни қўллаб-қувватлаб, транспорт ва омбор логистикаси соҳасида фаолият юритувчиларнинг ички ва ташқи бозорлардаги рақобатбардошлигини ошириш, Марказий Осиёда кичик ва ўрта бизнес ривожини рағбатлантириш, экспортни кенгайтириш орқали давлат ва хусусий тадбиркорларнинг шериклиги йўналишидаги ҳуқуқий механизмларни такомиллаштиришга хизмат қилади.
Тадбир давомида янги лойиҳанинг замонавий логистика тизимини амалиётга янада кенг татбиқ этиш, мавжудларини эса такомиллаштиришга оид маърузалари тингланди.
0
177 
