Извините, этот техт доступен только в “Узбекский”. For the sake of viewer convenience, the content is shown below in the alternative language. You may click the link to switch the active language.
Мамлакатимиз тиббиёт тизимида амалга оширилаётган ислоҳотлар самараси ўлароқ бугун маҳаллий хомашёлардан дориворлар тайёрланиб, улардан аҳоли саломатлигини муҳофаза қилишда кенг фойдаланилмоқда.
Хусусан, Президентимиз Шавкат Мирзиёевнинг 2016 йил 31 октябрдаги қарорига кўра Фарғона вилоятида ҳам фармацевтика саноатини ривожлантириш, замонавий ва рақобатбардош маҳсулот ишлаб чиқаришни кўпайтиришга алоҳида эътибор қаратилмоқда. Ўтган йили вилоятда мазкур йўналишда 5 лойиҳа амалга оширилиб, маҳаллий хомашё асосида дори-дармон воситалари ва тиббиёт маҳсулотлари ишлаб чиқариш йўлга қўйилди.
Жорий йил эса ўндан зиёд фармацевтика корхонасини ташкил этиш режалаштирилган. Бешариқ туманидаги «Beshariq momiq fayzi»МЧЖ иш бошлаганига кўп вақт бўлмаса-да, ишлаб чиқарилаётган тиббиёт пахтасига бугун ички ва ташқи бозорда талаб катта. Миллий банкнинг туман филиали кредити ва тадбиркор сармояси эвазига корхонага замонавий технологиялар ўрнатилиб, айни кунда маҳсулот хорижга экспорт қилинмоқда.
Янги турдаги тиббий маҳсулотлар ишлаб чиқаришни кўпайтириш мақсадида корхонага 1 миллиард 200 миллион сўмлик инвестиция йўналтириш кўзда тутилган.
Манба «ЎзА»
0
196 
