Извините, этот техт доступен только в “O´zbek”. For the sake of viewer convenience, the content is shown below in the alternative language. You may click the link to switch the active language.
Тожикистон пойтахтида Ўзбекистон Республикаси саноат корхоналари маҳсулотларининг миллий кўргазмаси очилди.
Республикамизнинг иқтисодий ва экспорт салоҳияти, инвестиция сиёсати билан Тожикистон Республикаси ишбилармон доира вакилларини таништириш, халқимизнинг бой маданий-тарихий мероси ва туризм ривожи тўғрисида бохабар этиш мақсадида кўргазмага пухта ҳозирлик кўрилди. Кўргазмада 160 дан зиёд компания мамлакатимизда ишлаб чиқарилаётган 1,5 минг турдаги маҳсулотларни намойиш этмоқда. Душанбе шаҳридаги «Пойтахт – 90» савдо маркази ҳудудидаги 2 минг квадрат метр майдонда электротехника, кабель, фармацевтика, сантехника, тўқимачилик, чарм маҳсулотлари, ўқув-лаборатория ускуналари, қурилиш материаллари, озиқ-овқат маҳсулотлари, чинни буюм ва идишлар, парфюмерия ва бошқа маҳсулотлар намойиш этилмоқда. Тадбир доирасида ташкил этиладиган бизнес-форум, семинарларда Ўзбекистон ва Тожикистон ишбилармон доираларининг 500 дан зиёд вакили қатнашиб, ўзаро манфаатли ҳамкорликни кенгайтириш масалаларини муҳокама этади. Бу икки томонлама иқтисодий ҳамкорликни фаоллаштириш ва ташқи савдо ҳажмини оширишда муҳим аҳамиятга эга.
0
172 
