Нукусда “Куйла, ёшлигим!” республика кўрик-танловининг Қорақалпоғистон Республикаси босқичи бўлиб ўтди.
Ўзбекистон Республикаси Маданият ва спорт ишлари вазирлиги, “Ўзбекнаво” эстрада бирлашмаси, Ёшлар маданият ва санъат маркази ҳамкорлигида ташкил этилган танловда туман ва шаҳарлардан 16 ёшдан 25 ёшгача бўлган 80 дан зиёд истеъдод эгалари ўзаро баҳслашди.
– Мамлакатимизда навқирон авлоднинг камолоти учун кенг шароит ва имкониятлар яратилмоқда, – дейди Ёшлар маданият ва санъат маркази раҳбари Р.Убайдуллаев. – Ёш истеъдодларни қўллаб-қувватлаш, эстрада йўналишидаги иқтидорини юзага чиқаришга кўмаклашиш, уларнинг ижрочилик маҳоратини ошириш мақсадида ўтказилаётган “Куйла, ёшлигим!” танлови иштирокчилари орасида келгусида миллий санъатимизни халқаро миқёсда кенг тараннум этишга муносиб ҳисса қўшадиган ёшлар кўплиги барчамизни хурсанд қилади.
Ҳайъат аъзолари томонидан ҳар бир иштирокчининг ижро маҳорати ва репертуари баҳолаб борилди. Ғолиблар танловнинг мамлакат босқичида қатнашиш ҳуқуқини қўлга киритди.
А.ОРТИҚБОЕВ,
ЎзА мухбири
0
103 
