Sorry, this entry is only available in Uzbek. For the sake of viewer convenience, the content is shown below in the alternative language. You may click the link to switch the active language.
Импортнинг асосий қисмини буғдой, ёғлар ва гўшт маҳсулотлари ташкил этган.
2021 йилда озиқ-овқат маҳсулотлар импорти 2,2 млрд долларни ташкил этиб, ўтган йилнинг шу даврига нисбатан 25 фоиз ёки 441 млн долларга ошди. Бу ҳақда Инвестициялар ва ташқи савдо вазирлиги ахборот хизмати раҳбари Гулшан Ботирова маълум қилди.
Қайд этилишича, маҳсулотлар асосан Қозоғистон ($881 млн), Россия ($747 млн), Белоруссия ($105 млн), Украина ($59 млн), Туркия ($45 млн)дан импорт қилинган.
Импорт қилинган маҳсулотларнинг асосий қисмини:
- Буғдой – $616 млн (2020 йил нисбатан +10 %);
- Ўсимлик ва ҳайвонлардан олинган ёғлар (мисол учун, кунгабоқар ёғи, пальма ёғи, маргарин) – $499 млн (+53 %);
- Гўшт маҳсулотлари (товуқ гўшти) – 188 млн. долл. (+84 %);
- Ун ва ун маҳсулотлари – $158 млн (+19 %);
- Шакар ва кондитер маҳсулотлари – $146 млн (-41 %);
- Мева-сабзавотлар (картошка) – $142 млн (+73 %);
- Сут маҳсулотлари, тухум ва асал – $68 млн (+41 %);
- Алкогольсиз ичимликлар – $48 млн (+182 %);
- Консерваланган мева-сабзавотлар – $43 млн (+59 %);
Ёрмалар (гречка, сули ёрмаси, манна ёрмаси) – $14 млн (+27 %) ташкил этган.
Бундан ташқари, Давлат инвестиция дастури доирасида 2021 йилда озиқ-овқат соҳасида умумий қиймати $281,2 млн бўлган 51 та лойиҳа амалга оширилган бўлиб, натижада, озиқ-овқат маҳсулотлари ишлаб чиқариш қуввати 479 минг тоннадан оширилди.
0
430 
