Извините, этот техт доступен только в “Узбекский”. For the sake of viewer convenience, the content is shown below in the alternative language. You may click the link to switch the active language.
Дўстона ҳамкорлик самаралари
Жиззах пластмасса заводи 1972 йилда ишга туширилган бўлиб, асосан пластмасса маҳсулотлари ишлаб чиқаришга ихтисослаштирилганлиги боис кимё саноати корхоналари сирасига киради. Завод ҳудуди жами 12,5 гектардан иборат. Шундан 4,6 гектари ишлаб чиқариш майдонлари саналади. Заводнинг йиллик ишлаб чиқариш қуввати 14,9 минг тоннани ташкил этади. Заводда асосан 4 та цех мавжуд бўлиб, уларда бир неча турдаги маҳсулотлар, жумладан, ташқи диаметри 20 мм.дан 1200 мм.гача бўлган полиэтилен қувурлар ва бутловчи қисмлар, ўлчамлари 220 мм.дан 3000 мм.гача бўлган полиэтилен плёнкалар, ҳар хил турдаги халқ истеъмоли моллари ишлаб чиқарилади. Бундан ташқари унда деҳқончиликда ишлатиладиган ва сувни 30 фоизгача тежайдиган, полиэтилендан ясалган эгилувчан кўчма қувурлар ва эгатга тўшаб суғориш учун мўлжалланган плёнкалар (улар қишлоқ хўжалиги учун жуда зарур ҳисобланади) ҳам тайёрланади.
Ҳозир «Жиззах пластмасса» акциядорлик жамияти ва унинг негизида ташкил этилган корхоналарда 250 дан ортиқ ишчи-ходимлар меҳнат қилишаяпти. Уларнинг 35–40 фоизи ёшлардан иборат. Зеро, корхона раҳбарияти ёш кадрларга алоҳида эътибор қаратиб, уларни ўқитиш ва малакасини ошириш чораларини кўрмоқда. Бу борада Менделеев номидаги Россия кимё-технология ҳамда Иваново давлат кимё-технология университетлари, Словакиянинг «Хемосвит» компаниясига қарашли олий таълим муассасаси, Тошкент шаҳридаги Турин политехника университети, Ўзбекистон Фанлар академияси полимерлар кимёси ва физикаси институти, Жиззах политехника институти каби бир нечта хорижий ва маҳаллий олий ўқув юртлари билан қилинаётган ҳамкорлик ўз самарасини бермоқда.
Маълумки, бу заводда яқин-яқингача ўта эскирган асосий технологик ускуналар воситасида унчалик рақобатбардош бўлмаган маҳсулотлар ишлаб чиқарилар эди. Охир-оқибат у иқтисодий ночор ва зарар кўриб ишлайдиган корхоналар қаторига тушиб қолганди. Кейин замон эврилди, замонавий, сифатли маҳсулотга талаб ва эҳтиёж ортди. Шу боис бозор иқтисодиёти барча жабҳаларни кенг қамраб ола бошлади. Бу «Жиззах пластмасса» акциядорлик жамияти ҳаётида ҳам туб ўзгаришлар ясади. Чунончи, ҳукуматимиз ташаббуси билан уни молиявий-иқтисодий соғломлаштириш бўйича «йўл харитаси» дастури тасдиқланди. Бу эса 2015 йилдан эътиборан корхона том маънода равнақ топа бошлашига асосий туртки бўлди.
Зеро, ушбу дастур амалга оширилиши асносида акциядорлик жамиятида ишлаб чиқаришни модернизациялаш бўйича ялпи қиймати 1,3 млн. АҚШ доллари бўлган учта инвестициявий лойиҳа ишга туширилди. Натижада маҳсулот турлари кўпайди, қўшимча равишда 43 та янги иш ўрни очилди. Заводнинг йиллик ишлаб чиқариш қуввати 8,8 минг тоннага етказилди. 2018 йили ўсиш суръати 2015 йилдагига нисбатан 326 фоизни ташкил этди. Энг муҳими охирги икки йил ичида 18 миллиард сўм миқдорида соф фойда олинди.
Эндиликда корхона инвестицияларга жиддий эътибор қаратмоқда. Чунки тўғридан-тўғри хорижий инвестицияларни жалб қилиш ва ўзлаштириш, барча ишлаб чиқариш майдонларидан оқилона фойдаланиш, технологик паркни ўз вақтида модернизациялаш ва янгилаш, импорт ўрнини босадиган янги маҳсулотлар ишлаб чиқаришни йўлга қўйиш жамиятнинг устувор вазифаларига айланди. Шунга кўра маънан ва жисмонан эскирган 4 та дастгоҳ замонавийларига алмаштирилди. Жорий йилнинг март ойида Хитойдан олиб келинган уч қаватли полипропилен ишлаб чиқариш линияси ҳадемай ишга туширилади.
0
229 
