Извините, этот техт доступен только в “Узбекский”. For the sake of viewer convenience, the content is shown below in the alternative language. You may click the link to switch the active language.
Instagram Россияда янги хусусиятлар ишга туширилишини эълон қилди. Фойдаланувчилар TikTok’га ўхшаш “Video Reels” видео хизмати ва “Stories” даги мусиқий стикердан фойдаланишлари мумкин.
У ёрдамида фойдаланувчи ўз ҳикояларига (story’ларига) мусиқа қўшиши ва саволларга қўшиқлар билан жавоб бериши мумкин. Россиялик Facebook фойдаланувчилари саҳифа очилганда фойдаланиш учун уни профиль сарлавҳасига ўрнатишлари мумкин бўлади.
23 июндан бошлаб Instagram’нинг россиялик фойдаланувчилари қисқа видеофильмлар учун платформа бўлган Reels’га киришни бошлайдилар, дея хабар беради компания.
Reels’лар ёрдамида фойдаланувчи 30 сониягача бўлган видеоларни суратга олиши ва таҳрирлаши, уларга AR эффектларини қўллаши ва фонни ўзгартириш учун яшил экран эффектидан фойдаланиши мумкин. Reels’ларда дастур кутубхонасидан мусиқа қўшиш, трендлар ёки тавсияларни танлаш мумкин. Шунингдек, фойдаланувчилар ўзларининг асл аудиоларини яратишлари мумкин ва агар уларнинг аккаунти очиқ бўлса, унда бошқа фойдаланувчилар ушбу видеолардан ўз видеоларида фойдаланишлари мумкин.
Янги хусусият билан яратилган видеолар, агар хоҳласа, тингловчиларни чеклаб қўйган ҳолда, Stories ёки Post форматида нашр этилиши мумкин.
Бундан ташқари, Facebook ва Instagram, шунингдек, Stories’да янги мусиқий стикерни тақдим этмоқда. Ҳикояларга мусиқа қўшиш учун қуйидаги босқичларни бажариш керак бўлади:
иловада камерани очиб, галереядан расм ёки видео танланиб, стикер белгисини босиш ва «Мусиқа» стикерини танлаш керак бўлади;
кутубхонадан бирон бир қўшиқни топиб, фрагментни танлаш, ижрочи номи ва қўшиқ номини қўшиш лозим. Агар композицияда матн бўлса, у автоматик равишда экранда пайдо бўлади;
матн услубини ва унинг анимациясини ўзгартириш учун стикерни босиш керак. Стикерни кўчириш, айлантириш ва ўлчамини ўзгартириш мумкин.
Мусиқий стикер келгандан сўнг, Instagram вa Facebook фойдаланувчилари Stories’га қўшиқлар ёрдамида саволлар билан жавоб беришлари мумкин. Бундан ташқари, Facebook фойдаланувчилари севимли трекларини «Хобби / қизиқишлар» бўлимига қўшишлари ва профиль сарлавҳасига ўрнатишлари мумкин бўлади — бу кимдир ушбу фойдаланувчининг профилига киришга қарор қилган ҳар сафар янграйди.
0
79 
