Бу модераторлар кўриши керак бўлган бефойда видеолар сонини камайтиради.
TikTok АҚШ ва Канадада ижтимоий тармоқ қоидаларига зид бўлган таркибни автоматик равишда олиб ташлашни синовдан ўтказади — масалан, шафқатсизлик таркибидаги контент, ноқонуний фаолият ва бошқалар.
Бу ижтимоий тармоқ фойдаланувчи тажрибасини яхшилаш ва платформадаги ёқимсиз видеолар сонини камайтиришга имкон беради. Шунингдек, хизматнинг хавфсизлик гуруҳи бошқа тақиқланган тоифаларга эътибор қаратиши мумкин — масалан, муаллифларни ҳақорат қилиш ва таъқиб қилиш, деб ёзади Axios нашри.
Ижтимоий тармоқнинг ёзишича, бунгача тизим турли бозорларда синовдан ўтган. Синовлар шуни кўрсатдики, автоматик ўчириш пайтида нотўғри позитивлар сони 5 фоизни ташкил қилади.
TikTok жамоаси илгари тақиқланган таркибни олиб ташлаган, аммо тизим бу жараённи автоматлаштиради ва хавфсизлик хизматининг янада самарали ишлашига имкон беради.
TikTok технология мукаммал эмаслигини тан олади ва хизмат тасодифан қоидаларга зид бўлмаган видеони ўчириб ташлаши мумкин. Кейин таркиб тикланади ва бузилиш ҳисобланмайди.
0
161 
