Sorry, this entry is only available in O´zbek. For the sake of viewer convenience, the content is shown below in the alternative language. You may click the link to switch the active language.
Туризм соҳасидаги ҳамкорлик икки мамлакат ўртасидаги муносабатларни ривожлантиришнинг муҳим омили ҳисобланади. Бир томондан, бунга Франция сайёҳлик индустриясининг бой тажрибаси ва анъаналари, иккинчи томондан эса, Ўзбекистоннинг сайёҳлик салоҳияти ёрдам беради.
Туризм – Ўзбекистон ва Франция иқтисодиётининг энг муҳим тармоқларидан биридир. Мана неча йилдирки, Франция сайёҳлар энг кўп ташриф буюрадиган мамлакатлар орасида етакчиликни қўлдан бермай келаяпти. Диққатга сазовор жиҳати шундаки, ушбу давлатнинг ўрта истиқболдаги мақсади – 2020 йилда чет эллик сайёҳлар сонини 100 миллионга етказиш.
Мустақиллик йилларида Тошкент, Самарқанд, Буxоро, Xива ва бошқа шаҳарлардаги сайёҳларни ўзига ром этаётган қадимий меъморчилик ва маданият ёдгорликларини тиклаш ва асраб-авайлаш борасида улкан ишлар амалга оширилди.
Таъкидлаш керакки, Франция Европадан Ўзбекистонга юборилаётган сайёҳлар сони бўйича етакчи ўринни эгаллайди. Томонлар ушбу йўналишдаги ҳамкорликни ривожлантириш борасида кенг имкониятларга эга. Хусусан, қўшма туризм дастурлари, Ўзбекистонда янги меҳмонxона мажмуаларини қуриш ва мавжудларини реконструкция қилиш лойиҳалари, туризм xизматлари менежменти бўйича мутахассислар тайёрлаш соҳасида тажриба алмашиш ана шундай имкониятлар сирасига киради.
Ўзбекистон Франциянинг ушбу соҳада эришган илғор тажрибаси ва салоҳиятидан фойдаланишдан манфаатдор. Франциялик инвесторларни Ўзбекистоннинг туризм салоҳиятини ривожлантиришга жалб қилиш ҳам истиқболли йўналиш саналади.
Икки мамлакатнинг сайёҳлик ташкилотлари, компаниялари ва операторларининг вакиллари Ўзбекистон ва Францияда ўтказилаётган иxтисослаштирилган xалқаро сайёҳлик анжуманларида, шу жумладан, «Mondial du Tourisme», «Top Resa», Xалқаро Ўзбекистон сайёҳлик кўргазмаси, Тошкент xалқаро сайёҳлик ярмаркаси, «Hosted Buyer» дастури ва бошқа тадбирларда фаол иштирок этишмоқда.
Шунингдек, Ўзбекистон Франциянинг туризм соҳасида мутаxассислар тайёрлаш ва малакасини ошириш тизимини ўрганишдан, шунингдек, таълим муассасалари билан мамлакатимиз учун туризм менежменти, меҳмонxона ва ресторан бизнеси соҳасида мутахассислар тайёрлаш бўйича ҳамкорликни ривожлантиришдан манфаатдор.
Франциялик шериклар билан туризм соҳасидаги стартап-лойиҳаларга иxтисослашган бизнес-инкубаторларни яратиш бўйича ҳамкорлик юритиш алоҳида қизиқиш уйғотади. Франция телевидениесида реклама кампаниясини амалга ошириш, Ўзбекистоннинг асосий сайёҳлик йўналишлари ва ресурсларига оид йўлкўрсаткичлар ишлаб чиқиш ва нашр этиш муҳим аҳамиятга эга.
Францияни ўзбек таомлари билан таништириш ва уни оммалаштириш мақсадида гастрономия ва пазандалик соҳасида доимий тажриба алмашувларини йўлга қўйишга ўзаро интилиш мавжуд.
Тошкент – Париж – Тошкент ҳаво йўналиши эса мамлакатларимиз ўртасидаги сайёҳлик оқимини оширишга ёрдам беради. Франция фуқаролари ҳам Марказий Осиё мамлакатларига саёҳатлари географиясини кенгайтириш учун ушбу йўналишдан фойдаланишлари мумкин.
Ўзбекистоннинг Франциядаги элчихонаси ҳам икки томонлама туризм салоҳияти ўсишига ўз ҳиссасини қўшмоқда.
Хусусан, 2019 йилнинг биринчи ярмида элчихона томонидан Францияда Ўзбекистоннинг туризм салоҳиятини оммалаштириш ва мамлакатимизга сайёҳлар оқимини ошириш бўйича қатор аниқ тадбирлар амалга оширилди.
Таъкидлаш керакки, Францияда Ўзбекистоннинг сайёҳлик салоҳиятини ривожлантириш бўйича олиб борилаётган кенг қамровли ишлар, шу жумладан, Франция ва Европа оммавий аxборот воситаларида ўтказилган реклама кампанияси натижасида 2019 йил январь-июль ойларида Ўзбекистонга қарийб 11 000 француз сайёҳи ташриф буюриб, бу борада ўсиш 53 фоизни ташкил этди.
Хусусан, ҳисобот даврида Ўзбекистоннинг Франциядаги элчихонаси томонидан сайёҳлар оқимини кенгайтириш борасида кўпгина ишлар амалга оширилди.
2019 йилнинг 25–27 январь кунлари Лилль шаҳрида ўтказилган «Tourissima Lille» xалқаро сайёҳлик кўргазмасининг бош экранида намойиш қилинган видеолавҳада Ўзбекистоннинг сайёҳлик салоҳияти тақдим этилди.
Шунингдек, Париждаги Араб дунёси институтининг бош директори М. Захрани, Франция Мусулмон маданияти кенгаши президенти А. Оргаш, Париж Катта масжидининг Ислом институти профессори, имом И. Неггаз ва Euronews мухбири К. Вакилнинг 2019 йил 21–23 февраль кунлари Бухоро шаҳрида ўтказилган Зиёрат туризми бўйича биринчи xалқаро форумдаги иштироки таъминланди.
0
479 
