Шайхонтоҳур туманидаги Чақар маҳалласида туман ҳуқуқбузарликлар профилактикаси ва жиноятчиликка қарши курашиш ишчи гуруҳи ташаббуси билан бандликка кўмаклашиш маркази ҳамкорлигида муқаддам судланган ишсиз фуқаролар, алимент тўловчи ишсизлар ва туманда яшовчи вақтинча ишсиз фуқароларни иш билан таъминлаш мақсадида меҳнат ярмаркаси ташкил этилди. Маълумки, бандликни таъминлаш ижтимоий муҳофазанинг самарали омилларидан бири. Шу боис, туманда ишсиз, кам таъминланган оила аъзолари, муқаддам судланганлар ва айни пайтда алимент тўловчи ишсизларни иш билан таъминлашга алоҳида эътибор қаратилмоқда. Ярмаркада туманнинг 30 иш берувчи субъекти 880 га яқин бўш иш ўрни билан иштирок этгани ҳолда, 200 га яқин фуқаро иш ўрнига эга бўлди.
Манба: «ЎзА»
0
104 
